طريقة سمبوسة الشاورما
بواسطة: نوره البليهد
تاريخ الوصفة: 13/06/2016
samosa recipe easy
سمبوسة الشاورما سمبوسه لذيذه وشهيه وحبيت اغير بتقديمهاعن الطريقة المعتادة..
نجهز خليط الشاورما مقاديره:
علبة زبادي
ملعقة صغيرة من (كزبرة بودر،فلفل اسود،قرفة ،ملح)
ملعقة صغيرة ثوم مهروس
ملعقتين طعام خل
ثلاث ملاعق زيت زيتون
صحن صدور دجاج مقطع شرايح صغيره
ونخلط المقادير مع بعض ونتركه بالثلاجة لمدة ساعة..
بها الوقت نجهز صوص الشاورما وطريقته :
نصف علبة زبادي
ملعقه طعام طحينة سايله
ملعقة طعام خل
رشة ملح
ثلاث ملاعق ماء بارد أوأكثر لما يتكون خليط سايل..
طريقة عمل الحشوة :
في المقلاه نضع ملعقتين زيت زيتون وبعدها شرايح الدجاج ونتركها على نار وسط لما تبدا تتحمر من تحت نقلبها على الجهه الثانيه ونتركها لما تجف مويتها..
وتكون بكذا الحشوه جاهزه نضيف لها مخلل خيار وبطاطس مقلي مقطع صغير...
ونبدا نحشي السمبوسه وممكن تمسحون طرف السمبوسه بخليط من المايونيز والكاتشب وتكملون بملعقة من خليط الشاورما ونقفلها مثل لف السمبوسة اذا حابين تقلونها
او تحمرونها بالفرن براحتكم..
وبعدين نرتبها بصحن اوصينية التقديم ورشة من البصل مقطع شرايح وملعقة سماق وبقدونس وبطاطس مقلي.. ونصب عليها من صوص الشاورما..وتتقدم وهي حارة وبالعافية على قلوبكم حبايبي
اعتمدوها من حشوات رمضان.. وممكن تسوونها على شكل رولات وتحطوا البصل والبقدونس مع السماق تحت وتصبون فوقها صوص الطحينة وتزينونها بالبطاطس المقلي..الافضل تكون تحت سخان عشان تاكلون السمبوسة ساخنة..واستمتعوا باللذاذة
