طريقة صينية افخاذ الدجاج بالفرن
بواسطة: نوره البليهد
تاريخ الوصفة: 13/06/2016
صينية افخاذ الدجاج❤️ سهلة مرة..ومتاكدة بتعجب الكل..خطيرة
افضل شي الأفخاذ..وانتم براحتكم
طريقة تتبيلة افخاذ الدجاج :
على حسب كمية الأفخاذ اللي استخدمتها..
انا استخدمت تقريبا صحن الأفخاذ من احد الشركات السعودية والظاهر فيه١٤حبة فخذ وممكن تزيدون وتنقصون ..المهم انها لذيذة لاتفوتونها
ومقادير التتبيله
ربع كوب زيت زيتون،ربع كوب ماء،تقريباوملعقة ٣الى٥ملاعق صوص صويا،و٣الى٥ملاعق صلصة الشواء الحارة،ملح،فلفل اسود،عصير ليمونة،ملعقة خل،زنجبيل مبشور
الطريقة لعمل افخاذ الدجاج :
نخلط التتبيلة مع بعض ونتحكم بالطعم اذا قليل الملح نزيده
ونصب التتبيلة على افخاذ الدجاج والافضل تجلس بالثلاجة ساعة عشان تدخل النكهات اكثر..
نقطع بصل شرايح ونرتبه في قاع الصينية ونرتب الدجاج فوقه وندخله الفرن من تحت تقريبا ساعة وعلى درجة حرارة١٨٠واغطي الصينية بالقصدير.. ولماتنضج وتخف مويتها..بتلاحظون الأفخاذ تحمرت بدون ماتشغلون الفرن من فوق..
وبعدها نقدم افخاذ الدجاج اللذيذة مع الارز او مع الخبز وبالعافية على قلوبكم حبايبي..
