طريقة الدونات الكوريه

طريقة الدونات الكوريه

korean twisted donuts recipe

هاليومين قاعدة اجرب طرق للدونات الكوريه حابة اعتمد أفضلها... جربت هالطريقتين كل طريقة لها ميزتها
‎الاولى دونات اسفنجية اكثر والثانية دونات مقرمشة من برا اكثر ..حبيت كل الطريقتين..جربوها وان شاء الله بتعجبكم

‎الدونات الكورية 1 :

_نذوب ملعقتين زبدة على النار (حطيت ربع قالب وبعدين نبعده عن النارونضيف له كوب حليب وملعقتين من السكر ونصف ملعقة صغيرة ملح ونحركه لما يذوب السكر ويصير فاتر..

_بهالخطوة نضيف بيضة ونخلط وبعدين نضيف ملعقة طعام خميرة فورية ونحرك ونتركه يرتاح مدة ٥دقايق ونبدا نضيف الدقيق ٣اكواب دقيق ونعجنها ونتركها تتخمر مغطاة ساعة كاملة الى ساعة ونصف..على حسب حرارة مطبخك..

_ نلاحظ العجينة بعد التخمير ارتفعت نرجع نعجنها مرة ثانية ونتركها ٤٠دقيقة تتخمر زيادة..

_ بعد ماترتفع العجينة للمرة الثانية نبدا نقسمها الى كرات متساوية ١٦كرة ونكورها ونبرم كل قطعة بالطول بحيث يكون ملتوي.. وبعدين نجمع الطرفين ونلفها بشكل ملتوي ونكمل باقي العجينة بنفس الطريقة.. ونتركها نصف ساعة وبعدين نقلب الدونات على الجهة الثانية عشان ماتكون مسطحة من تحت وننتظر١٠دقايق وبعدين نبدا نقليها على نار هادية شوي

_احط ثلاث او اربع حبات بالزيت وانتظر تتحمر من تحت وبعدين اقلبها على الجهة الثانية وتكون بنفس اللون.. واذا حابين تَحُطُّون خليط القرفة البودر والسكر بكيس وبعد مانخلص قايلين الدونات نقلبها فيه.. انا اكتفيت بالسكر البودر ..جربوها الدونات جدا لذيذة وسهلة مرة..ومتاكدة راح تدمنون عليها
وبالعافية على قلوبكم مقدما
هالطريقة موجودة باليوتيوب اللي حاب يشوف التفاصيل اكثر



الدونات الكورية 2 :

جربت طريقة ثانية للدونات اعجبتني ولمن تحب تشاركني التجربةدونات لذيذة ومقرمشة

المقادير :

٣اكواب دقيق ونصف تقريبا..
ربع قالب زبدة لينة مو سايحة
٤ملاعق طعام حليب بودر
ملعقتين طعام سكر
ملعقة طعام خميرة فورية
نصف ملعقة صغيرة ملح
بيضة
ملعقة طعام زبادي اختاروا نوعية ماتكون حامضة
كوب ماء دافي

تخلط مع بعض بدون ترتيب ونعجن زين وتترك لمدة ساعة كاملة ثم يعاد عجنها وتترك مدة نصف ساعة ونبدا نتقسيم العجينة كرات بحجم البيضة تقريبا ٢٠قطعة.. ونفردها باليد بشكل اسطواني مع البرم من جهة اليمين للأعلى ومن جهة اليسار للأسفل لنحصل على خطوط بالعجينة بشكل مائل.. ثم ترفع العجينة وتبرم بشكل ملتوي ..ونضغط عليها نهاية التقاء الجهتين حتى لاتفتح وقت القلي..
تترك كل قطعة مدة من ٥الى٧دلاتطولون لان العجينة بتكون لينة ثم تقلب للجهة الثانية..
وبعدها نبدا بالقلي على نار وسط .
اثناء القلي تترك كل حبة من الدونات حتى تتحمر من الأسفل..ثم تقلب للجهة الثانية.. وهكذا حتى تنتهي الكمية..
تنقل الدونات الى كيس فيه سكر بودر وقرفة حسب الرغبة.. وتقلب بداخله حتى تتغلف جميع الجهات..
ثم تقدم دافئة وبالعافية على قلوبكم