حلى الكنافة النابلسية الكذابه بالتوست .. حلى قهوه سهل ولذيذ بالصور

طريقة عمل حلى الكنافة النابلسية الكذابه بالتوست .. حلى قهوه سهل ولذيذ بالصور




كنافه نابلسيه ( كذابه ) ههههه كل اكلاتنا كذابه لووول

وبسمـ الله نبتدئ ~


المقادير لعمل الكنافة النابلسية بالتوست :

(أ)
الكنافه

توست مطحون لـ صينيه وسط نحتاج كيس كامل + 4 حبات توست
سمن المراعي ( شخصياً افضل سمن قودي بس ما حصلته .. وممكن نستخدم الزبده )

(ب)

الحشوه

مقادير مهلبيه

1- ( تتكون من كوب و نص حليب بودره + كوب و ثلاث ارباع مويه + 2 فنجان قهوه سكر + 2 ملعقه كبير نشاء مذوبه بـ قليل ماء )

2- ( نصف علبه قشطه عاديه + علبه قشطه طازجه 100 غرام + 4 مكعبات كيري )



الطريقه لعمل الكنافة النابلسية بالتوست :

نشيل اطراف التوست ونطحنه .. ونضيف له 4 ملاعق سمن او نصف اصبع زبده مذوب ~
ونفرك التوست الين يختفي السمن ويتشربه ~

ندهن صينيه تيفال بالسمن ,,


ونحط نصف كميه التوست وزياده كـ قاعده لـ الكنافه ..


ونضغط عليه عشان نساوي الطبقه ونشوف سماكتها ~


والاهم نرفع حواف للتوست عشان الخلطه ما تتطلع وقت التحمير ~



بعدين نسوي المهلبيه طريقتنا المعتاده ..
نخلط مقادير رقم 1 بدون النشاء على النار لمده 10 دقايق او الى قبل مرحله الغلي بـ قليل ..
نضيف النشاء ونحرك وفي هالمرحله راح تثقل معنا ..
وانا ابيها اثقل من المعتاد لاننا راح نخففها بـ خلطه ثانيه ~

من جهه ثانيه نخلط مقادير رقم 2

اللي بالقدر المهلبيه ويمكن يكون واضح ثقلها ..
والزبديه اللي جنبها القشطه النوعين والكيري ~

هنا صورتهم بعد الدمج ,,


نصب الحشوه فوق التوست ,,
بس ما نوصله للحواف .. في الفرن هو بيتمدد على راحته


نغطي الوجه بـ الباقي من التوست بس ما نضغط عليه عشان لا تتطلع الحشوه وتنحاس الدنيا


والحواف اللي رفعناها من القاعده نحاول ندمجها مع الطبقه العلويه ..
وبـ كذا نضمن قالب من التوست مرتب ومافيه حوسه او حشوه طالعه من هنا او مناك


وحاولت اوضح لكم الفرق جيبوا عدسه مكبره لو ما بان معكم فرق


بعدها تتدخل الفرن من تحت الين تتحمر الحواف ..
بس تقريباً على حراره وسط تاخذ لها من 12 - 15 دقيقه

ومن فوق الين تشقر وتقرمش ,,


خليتها ترتاح 5 دقايق ثمن قلبتها


وسقيتها شيره ..
المهم نسقيها بسرعه لانها زي القماش ممكن تبقع بـ جهه وجهه لا ..

من زمان قاطعت كل انواع الشيرات واعتمدت هـ الوصفه ~

يمكن تقولون سهلة ...لكن كثير محتاجينها ...$الشيرة المسمسية $


طحنت فستق طحن خشن واضفت له ملعقه شيره وزينت به الوش يا خواتشي
لاحظوا الحواف كيف مبقعه لان الشيره ما وصلتها ~





و هنئ و عافيه ~

اتمنى اكون قدمت شئ مفيد !

تنويه ( وصفاتي تتحتمل الخطأ و النسيان فـ اللي تجرب شئ وما يضبط تحاول تعدل على الوصفه
بالطريقه اللي تناسبها + صورة القطعه اللي بالوصفه من كنافه سويتها قبل بـ فتره حتى الفستق اللي عليها مطحون بس حبيت اوضح لكم سُمك الحشوه وتماسكها )