طريقة عمل بروستد الدجاج بالفرن وبطاطس فرنش فرايز بالصور
بواسطة: محد قدي
تاريخ الوصفة: 13/02/2016
جبت لكم احلى برستد دايت ميه بالمية ولذيذ بالفرن مع فرنش فرايز برضه بالفرن
المقادير لعمل بروستد الدجاج :
دجاجه ونصف منزوعة الجلد ومقطعه اثمان ومملحه خفيف ومرشوشة بفلفل اسود
خلطة (1) :
بياض بيضه +علبة زبادي قليل الدسم+ شوي ملح+شوي بهارات مشكلة
خلطة (2) :
7 حبات بسكوت مالح الدوائر الصغيرة او ابو نبيل +كاسين كورن فليكس ساده كيلوقز كلها مطحونه سوى
الطريقة لعمل بروستد الدجاج :
ندهن الصينية بزيت زيتون ثم نغمس الدجاج في خلطة رقم 1 ثم في خلطة رقم 2 ونصفه في الصينية ثم نرشة برشة بسيطه من زيت الزيتون ندخلة في الفرن لمدة ساعه من تحت ثم اذا نضج نحمره من فوق ثم نقدمه بالعافيه
وهذي صورة بروستد الدجاج
بالنسبة لطريقة عمل الفرنش فرايز او البطاطس
نقطع البطاطس شرايح ثم نخلطة مع زيت زيتون وشوي ملح ونفرشة في صينية الفرن بس احرصي انه ما تصير قطعه فوق الثانية ثم نحمر البطاطس من تحت واذا نغزناه بالشوكه وصار مستوي نحمره خفيف من فوق بس شوي لانه ينشف بعدين وهذي صورته وعلى قلبكم بالعوافي واذا اعجبكم اتمنى دعوه حلوة لي بالتوفيق
