حلى كاسات الورق الجالكسي بالقرفة والسكر البني
بواسطة: هدوء مطر
تاريخ الوصفة: 27/01/2016
لعمل حلى الجالكسي بالقرفة والسكر البني ..
أي عجينة أنت معتمدتها ..
أنا عجينتي هالطريقة
3 كاسات دقيق
كاس ونص مويه دافيه ( أنا أحط علبة زبادي أو كاس لبن والباقي أحط موية دافية لين تكون عجينة متماسكة ..)
ملعقه كبيره خميره ونص ملعقه صغيره بكنج بودر
وثلاث ارباع فنجال سكر وذره ملح
وملعقتين حليب بودره هذي اختياريه
الزيت ثلاث ارباع بياله
خليها نص ساعة أو ساعة الا ربع ..
أخذت هالقوالب من الهزازي مقاسه صغير .. ابد حشيها جالكسي .. وكوريها وخلي جنبك صحن فيه قرفة وسكر بني مخلوطات .. جيبي الكوره ودحرجيها فيها بعدين بالقوالب وبالفرن ..
بعد ماتطلعينها من الفرن صبي عليها نستله وزينيها باللي تبين ..أنا زينتها بحبيبات الفول السوداني ..
حلى ولا أسهل ولا ألذ منه
