حلى الزبادي البارد بالكراميل الاصفر وجلي التوت بالصور
بواسطة: احلى من القمر
تاريخ الوصفة: 22/01/2016
مقادير وطريقة عمل وتحضير حلى الزبادي من مطبخ قصيمي نت موسوعة الطبخ..
الطبقه الاولى :
بسكوت وزبده .. نفركهم مع بعض ونرصهم بالصينيه
الطبقه الثانيه :
في الخلاط الكاس ..
علبه زبادي
كاس حليب بودره
بياله شاي زيت
ثلاث ارباع كاس سكر
بيضه
فانيليا
تخلط وتوضع على البسكوت .. وعلى الفرن لحد ماتجمد ..
الطبقه الثالثه :
كريم كارميل عادي .. نسويه نفس الطريقه المكتوبه عليه
او جلي اي لون .. هنا بالتوت .. ونسويه نفس الطريقه الموجوده على العبوه
وفي الحالتين .. الكريمه او الجلي
نخليها ثقيله شوي عشان ماتسيح وتكون مرتبه في التقطيع
ونوزعه على طبقه خليط الزبادي .. وعلى الثلاجه لحد ماتجمد
وتقدم بالعافيه
ممكن البعض يقول كيف سويت لونين في حلى الزبادي
سويته في صينيتين .. كل لون بصينيه ..
واحيانا اسويه في صينيه واقسمه وبعد ماتستوي الطبقه الثانيه .. اقسمه بقطعه قصدير بمنتصف الصينيه.
اسويها على شكل مستطيل ... واخلي القصدير كم طبقه عشان مايميل
واوزع الطبقه العلويه الجلي والكريمه بحذر عشان ... ماتختلط
والي يقول كيف رصيته في الصينيه .. بعد ماقطعته رصيته في صينيه التقديم
قطعه جلي والثانيه كريمه ..
