سينابون رول نوتيلا وسينابون بالقرفه بالصور
بواسطة: Maha
تاريخ الوصفة: 20/01/2016
هذي صورة سينابون بالنوتيلا
جدا سهله الطريقه لعمل السينابون والحمدلله جربت كم طريقه للعجن ولقيت هذي أحسنها
المقادير لعمل عجينة السينابون :
بيالة زيت
كاس مويه
رشه ملح
نص فنجال سكر
3 ملاعق كبيره حليب بودره
ملعقة كبيره خميره فوريه
2 ونص كاس دقيق - أو أكثر حسب نوعه
* بنات مقدار المويه والدقيق يختلف حسب نوع الدقيق مثلا الدقيق الكويتي يبي له مويه أكثر
أما الدقيق العادي مايحتاج مويه كثير فمقدار المويه والدقيق انتم تحكموا فيه ، عشان كذا
لو لقيتوا أن العجينه لينه زيدوها وأنتم ماشاء الله سنعات مايحتاج
غالبا اقسم العجينه احط بعضها نوتيلا وبعضها قرفه
الحشوه :
نوتيلا
أو
مقدار متساوي من قرفه + كاكاو بودره + سكر مطحون * اجمعوها في صحن ورشوها
بمنخل ع العجينه بعد الفرد
الطريقه لعمل السينابون :
افردوا العجينه وأدهنوها بنوتيلا أو رشوا عليها القرفه والكاكاو والسكر
وقطعوها بشكل طولي بسكين زي كذا
هنا بالصوه دهنتها بنوتيلا بعدين لفوا كل قطعه وصفوها بالصينيه
ـ هالصينيه تعشقها أمي هههههه مافي أمل نستغني عنها من زمان عندنا ^-^
وهنا صورة سينابون بالقرفه ^-^
( حلوه سينابون بالقرفه هههههه) مشوها بعد ماطلعناها
* زينوها بأي حاجه حاليه هنا زينتها بحليب نستله + شوي نسكافيه مذوبه بشوي مويه
بس حطيت النسكافيه معها حتى يعطيها نكهه
* لو حبيتوا تضيفون مكسرات عليها تكون أحلى وأحلى ، عجين جمل أو لوز
وبالعآفيه
