مسقعة مصرية

مسقعة مصرية

مسقعه على طريقه مامتى يارب يخليها

نخش على المضمون...المقادير للمسقعة :


كيلو باذنجان رومى (يعنى الكبير المدور)

نصف كيلو بطاطس

قرنين فلفل حار

راس ثوم كبيره

نصف كيلو طماطم مضروبه فى الخلاط

وزيت للقلى

الطريقه

هنقطع الباذنجان حلقات بعد تقشيره طبعا ونقطع البطاطس برده صوابع

نقلى البطاطس الاول فى الزيت الساخن ثم الباذنجان والفلفل الحار لحد ميتحمر وده لحكمه لان الباذنجان بيشرب زيت كتير بعدين نحطهم عى ورق مناديل مطبخ عشان يمص الزيت



وبعدين فى صنيه تانيه نحط الثوم المفروم ناعم مع نقطتين تلاته زيت



واما يتحمر نضيف الطماطم المضروبه بالخلاط و نتبل بالملح والفلفل ويترك على النار لحد ما يتسبك يعنى ميته تقل



وبعد كده نضيف الباذنجان والبطاطس والفلفل ونقلب بالراااحه قوى عشان الباذنجان ميتهريش

وبالهنا والشفا

تقدم المسقعة مع العيش البلدى او مع الارز بالشعريه ويمي يمي




ويارب تعجبكم المسقعة ..اصل انا بصراحه بموت فيها