سلطة مقالي لذيذه من مطبخ عبير العميرة
بواسطة: عبير العميرة
تاريخ الوصفة: 08/01/2016
سلطة مقآلي شي شي خرافي ماينشبع منهآ والأفضل مقليه دسمه ولذيذه
.
.
*المقادير و الطريقة لعمل سلطة المقالي :
١- أول شي خبز مقطّع مكعبآت و مقلي ، أو الخبز المحمّص الجآهز .
٢- بعدين نقطع باذنجان مكعبات ونرش عليه ملح ونتركه على جمب ربع ساعه بعدين نشطفه ونقليه في زيت عميق لين يصير لونه ذهبي ، وننشفه من الزيت و بعدين نحطه بالصحن فوق الخبز المقلي .
٣- بعدين نقلي البطاطس المكعبات ، ونوزعه فوق الباذنجان .
٤- دجآج صدور نقطّعه مكعبآت و نتبّلها بملح وفلفل ثمن نشوّحها ع الصآج نحط شوي زيت بعدين نضيف قطع الدجاج نضيفها وتكون النار عاليه ونقلّب لين يستوي وبعدين نضيفه فوق البطآطس .
** وآخر شي .. الصوص عبآره عن :
م ك خل أبيض + م ك زيت زيتون + علبة زبادي + م ك عصير ليمون + م ص اوريغآنو + م ص نعنآع مجفف + شوي ملح وفلفل اسود + فص ثوم مهروس ( حسب الرغبه ) + واللي يحب الخردل يضيف منه شوي مره طعمه لذيذ مع الصوص
الصوص تخلطون مكوّنآته مع بعض زين وتضيفونهم ع السلطه وقت التقديمممم .
وتجمّلونها حسب الرغبه بقدونس مفروم وخس شرائح رفيعه وخيآر قطع صغيره وجزر مبشور وشوي سمّاق
وبس
و جعله بألف عآفيه على قلوبكم ♥️.
- ملاحظه :
الطبقآت تسوونها وقت التقديم مبآشره أفضل شي
