القشد بالتمر من مطبخ عبير العميرة
بواسطة: عبير العميرة
تاريخ الوصفة: 08/01/2016
القشد اللذيذ على طريقة أمي بعد قلبي ❤️ أموت عليه سهل مره مره ولذيذ ...
و ع الجمر شي ثاني عاد له طعم مميز جربوه واحكمو ......... ...،،
طبعاً كلن وطريقته بس هذي الطريقه مثل شغل أول أمهآتنا ماكان عندهم قشطه ولا بسكوت مثل مانسويه الحين القشد الملكي وغيره .. ،
.
. - المقادير والطريقه لعمل القشد بالتمر :
نص كوب طحين ( أسمر ) نحمسه لين يتشقّر لونه بعدين نحط عليه (اصبع زبده ١٠٠جرام) ونحركه لين يختلط مع الطحين ثمن نحط ( كيلو تمر ) - يعني كيسه وحده مكبوسه من الخلاص - بعدين اذا قلبناه مع الطحين والزبده نحط نص كوب حليب سايل أو لبن أو زبادي ونقصّر عليه النار ونخليه أقل من ٥دقايق ويصير جاهز ،.
و حلاته يقدّم القشد بالتمر دافي ،،،
.
.
وجعله هني وعآفيه على قليباتكم
