صينية مكرونة بالباذنجان والكريمه من مطبخ عبير العميرة
بواسطة: عبير العميرة
تاريخ الوصفة: 08/01/2016
صينية مكرونه بالباذنجان مع الكريمه سهله سهله تهبل تهبل ما أقآوم المكرونه
.
.
- المقادير والطريقه لعمل صينية المكرونة :-
١- نسلق المكرونه في ماء مغلي مع ملح فقط بدون زيت .
٢- في تاوه نحط الزيت لمن يسخن نضيف قطع دجاج ونرفع النار ونخليه يتحمّر حطيت عليه بهارات تندوري أحب نكهته ولونه
. بعد مايتشوّح مع الجوانب نشيله ونخليه بصحن على جمب .
٣- بنفس التاوه نحط ربع كوب زيت خفيف مثل نور ونحط فيه بهارات ايطاليه + ورق ريحان مجفف مطحون + فلفل أحمر مجروش + ثوم مبشور ناعم نخليه بس شوي تطلع ريحتهم ونضيف عليهم مكعبات باذنجان ونخليها لين تتحمر وبعدين نضيف طماطم معصور + صلصة طماطم ونخليه شوي يتسبّك مع اضافة الملح ونرجّع الدجاج عليهم .
٤- نصفّي المكرونه من الماء ونضيف الخلطه عليه وبعدين نضيف كريمة طبخ والكميه على حسب الرغبه .
٥- نجيب صينية فرن ونحط المكرونه فيها ونرش ع الوجه بقسماط ناعم وندخلها للفرن تتحمر من فوق وبس
.
.
وجعله بألف عآفيه على قلوبكم الجميله
إن شاء الله تجربونه ويعجبكم ❣
.
.
- ملاحظه
اللي يحب يضيف جبن يضيفه أنا حبيت أغيّر هالمره واكتفي بالكريمه تلذذت بالنكهات أكثر وبس والله
