اقراص البسبوسة من مطبخ عبير العميرة
بواسطة: عبير العميرة
تاريخ الوصفة: 08/01/2016
أقرآص بسبوسة أفنآنيتو مع بعض التعديل روعه وأحلا شي تصغرونها تطلع مرتبه كيوت
.
- المقادير والطريقه مع بعض لعمل اقراص البسبوسة :-
تجيبون زبديه كبيره وتحطون فيها /
كوبين طحين أبيض +
كوب ونص سميد +
ربع كوب جوز الهند ( اللي مايحبه يستغني عنه ) +
م ص بيكنج بودر +
رشة ملح +
نص كوب سكر +
اصبع زبده مذوّب ( ١٠٠ جرام ) وينفع نصف كوب زيت بدال الزبده +
كوب حليب سايل +
علبة قشطه ( معلّبه مو طازجه ) +
بيضه حبه وحده + نص م ص فانيلا +
( شوي هيل وزعفران للي يحب نكهتهم )
وتعجنونها وعلى طول تكورونها وتصفوّنها بالصينيه وتجمّلونها على حسب الرغبه ( فستق ، لوز ، سمسم )
وتدخلونها للفرن مسبق التسخين على درجة ٣٥٠ بالرف الوسط ماتطوّل معكم ( ضروري ماتطول عشان ماتنشف )
أول ماتتحمر خفيف من تحت تحمرونها من فوق وتسقونها بالشيره أو حليب محلّى مكثّف تخففونه بماء .
طبعاً أول ماتطلع من الفرن حارّه تسقونها شيره بارده أو الحليب المكثّف . .
.
وبس بألف عافيه عليكم حبيبآتي
