مربعات التمر بالشوفان .. حلى مع القهوه العربيه شي كايف

مربعات التمر بالشوفان .. حلى مع القهوه العربيه شي كايف




هذا الحلآ مع القهوه العربيه شي كآيف والله مربعات التمر بالشوفآن
.
.
حآقه ماحصلتشي والله
جربوه طعمه مره خطير أعشق أي شي يدخل فيه تمر
.
.
- الطريقه :-

١- نجيب صحن عميق ونحط فيه :-
كوب وربع طحين منخول +
كوب ونص شوفان +
كوب سكر بنّي ممكن تستبدلون بسكر أبيض عادي +
م ص بيكنج بودر + شوي ملح + م ص قرفه +
كوب زبدة مذابه يعني اصبعين زبده مجموعها : ٢٠٠ جرام .
نخلطهم مع بعض باليد ونقسم الخليط لنصفين .
٢- نجيب صينيه مربّعه مقاس ٩ انش ونرص الطبقه الأولى مضبوط وبعدين نجهّز حشوة التمر .

٣- حشوة التمر عباره عن :

٤ أكواب تمر + كوب ماء + شوي هيل ونحركهم ع نار هاديه لين يذوب التمر .
٤- نفرد التمر وهو حآر ع الطبقه الاولى بالتساوي مره سهل الفرد راح يكون لان التمر وهو حآر سهل تفردونه .
٥- الباقي من الخليط ننثره ع التمر وبعدين نرصه بشكل خفيف عشان يمسك على طبقة التمر .
٦- خلاص الحين ندخله للفرن ونشغله من تحت بالرف الوسط على درجة حراره ٣٥٠ ياخذ ٤٥ دقيقه تقريبا ًوبعدين نحمّره خفيف من فوق .
٧- يقطع الحلا مربعات واستمتعو باللذآذه وبألف عافيه .
.
و الجميل في هالحلا يجلس فتره طويله حوالي الشهر مايخرب أهم شي يكون في علبة محكمة الإغلاق وبس
.
.
تنبيه :-

ممكن تستبدلون التمر بالتفاح أو الخوخ أو التوت أو الفراوله إن شاء الله رآح أسويّها قريب بأحد الفواكه
.
.
بالنسبه للتمر يابنات لا تقلقكم الكميه عادي اللي تحبون اهم شي يصير لين ويسهل فرده وتحبون طبقه عريضه او رفيعه يعني يرجع لذوقكم