مدفونة الدجاج بقدر الضغط بالطريقة السعودية
بواسطة: مطبخ خلود
تاريخ الوصفة: 31/12/2015
كبسة مدفونة الدجاج لذيذه وسريعه
المقادير :
حبة دجاج
بصلة كبيرة مقطعة لحلقات
فصين ثوم حلقات فلفل رومي بهارات مشكلة كركم
ملح ملعقة صغيرة مكعب ماجي
بطاطس وجزر وصلصه
رز بهارات حب مسمار وهيل
فحمه وزيت للتبخير
الطريقة :
اول حاجة
ألبسي قفازات لان الصبغ بيبقى في يدينك
نقسم الدجاجة من النص قفط
بدون نزع الجلد
وبعد كيذا حطيها في زبدية
وحطي في أيديك الصبغة والكركم و أفركيها لحد
لما تتشبع الدجاجة باللون
بعد كيذا حطي برضو بقبضة يدك البهارات المشكلة
وأفركيها تمام ومن تحت من أسفلها ومن الداخل عبيها
وبعدين أضيفي الملح والماجي والصلصه وأفركيهم تمام
ماتكثري الملح ملعقة صغيرة لأن الماجي بيمسك فيها
بعدين خذي قدر الضغط
ورصي بأسفله البصل والثوم والبطاطس والجزر والفلفل الرومي وشووية زيت
وبدون مايسخن ولاحتى تقليب أضيفي عليهم الدجاجة
وسكري القدر
وأحسبي لها عشر دقائق فقط على نار هاديه في هذا الوقت بقدر ثاني اسلقي الرز نصف استواء مع الملح والزيت والهيل والمسمار بعدين صفي
وحطيه على الدجاج
وخليه على النار لمده ربع ساعه في اخر خمس دقايق
بخريه
بشوية زيت أضيفي عليه فحمة
بس اكتميها بسرعة وخليها خمس دقايق وقدميها
وبالعافيه❤️
