سفرة فطوري في رمضان بالصور

سفرة فطوري في رمضان بالصور


حبيت اشارككم بسفرتي المتواضعه في رمضان
هذه هي السفرة الثانية

اما السفرة الاولى هنا

سفرة فطور رمضان من مطبخ Khloe بالصور

مع الفطور


تمر سكري ورطب وقهوه

المشروبآت



فيمتو وماء زمزم



{ المنيو ,,
جبنية وميني سمبوسة
شوربة الجريش
سمبوسة مكس الاجبان
شعيريه صينية
بانيني النقانق
شريمب مقلي

وهذه ثلاث اطباق عملتها ايام اخرى لمن ترغب بعملها

سلطة الباذنجان والبطاطس بالطحينه
سلطة المكرونة بتتبيلة الشبت
سباجيتي بالروبيان

===========


الجبنيه المقرمشه المقليه وميني سمبوسه سهله ولذيذه


الجبنيه

الطريقة والمقادير :

كاس دقيق
م ص باكينج باودر
4 ملاعق جبن سائل
تعجن وتقصونها بأي شكل تحبون
بعدين تقلونها في الزيت وتشيرونها
وتقدم

وبالعافيه ..


======

ميني سمبوسه

الطريقة والمقادير :

عجينة سمبوسه نقصها من النص
نحشيها بجبنة الفيتا
ونقليها في الزيت ونشيريها
وتقدم
وبالعافيه ..

=========

شوربة الجريش باللحم سهله ولذيذه


الطريقة والمقادير :

كاس جريش ينقع في مويه دافيه نصف ساعه
ناخذ قطع لحم صغيره
انا اطلب من اللحام يقطعها صغيره ويشيل كل نتفة شحم منها واكيسها للشوربة
اسلق اللحمه نص سلقة في قدر جانبي مع بهارات مشكله عدله ( قرفة ,ورق غار , مسمار, كمون ,هيل )
في قدر الضغط اشوح بصله مفرومه مع فص ثوم في شوي زيت واضيف عليهم عصير طماطم مطحون وملعقتين طعام معجون طماطم
اضيف اللحمه ومن جديد احط بهارات مشكله عدله ( قرفة ,ورق غار , مسمار, كمون ,هيل , ليمون أسود , فلفل اسود)
اضيف مويه مغليه تقريبا 3 كاسات ونص مويه
واصفي الجريش واضيفه لهم نحرك الشوربه
اسكر القدر كويس واخليها ع نار هاديه تطبخ لمدة ساعتين
لما تستوي نضيف لها رشة ملح وتقدم
وبالعافيه ..

=========

سمبوسة مكس الاجبان


الطريقة والمقادير :

رقاق سمبوسه اي نوع انا استخدمت النوع البر

الحشوة ( جبن فيتا , جبن تشدر , فلفل رومي ملون مقطع مكعبات صغيره , زيتون حلواني بالشطه يصفى من الزيت ويفرم لقطع صغيره ورشة توابل ايطاليه , ذرة معلبه )
نخلط هالخلطه اللذيذه ونحشي فيها السمبوسه وتحمر في الفرن
وتقدم وبالعافيه ..

========

شعيريه صينيه بالربيان والخضار سهله ولذيذه


الطريقة والمقادير :

خضار مشكله مقطعه بالطول ( كوسا, جزر , فلفل رومي , ملفوف )

نشوح الخضار في صينية تيفال مع شوية زيت زيتون اول ماتذبل نضيف لها الروبيان ونبهرها بـ(ملعقة صغيره زنجبيل باودر , بهارات مشكله , كاري , كزبره مطحونه ، ملعقة صغيره توابل صينية رشة ملح وفلفل أسود )

نقلبه عالنار 5 دقايق بعدين نضيف له فنجان كاتشاب + فنجان صوص صويا + فنجان مويه
ونستمر في التقليب

نسلق الشعيريه ونضيفها للخلطه نسكبها في صحن التقديم وتزين بالسمسم وتقدم

وبالعافيه

=======

فطائر ميني بانيني النقانق


الطريقة والمقادير :

اي عجينة فطائر معتمده عندك
انا عجينتي المعتمده مقاديرها
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
تعجن وتخمر ساعه في الفرن او في مكان دافئ
نفردها بحيث تكون متوسطه مانخليها سميكه
ولا رقيقه ونشكلها بشكل البانيني
وتمسح بالحليب والبيض ولكم الخيار لو حبيتوا تضيفون لها سمسم او حبه سوداء او تخلونها ساده
نخبزها في الفرن ونحشيها

الحشوة :

بصله مفرومه وفلفل رومي مفروم نشوحهم عالنار مع قطع النقانق
تبهر بالملح والفلفل والتوابل الايطاليه
نضيف لهم ملعقتين طعام صوص باربكيو + خردل
بعد ماتستوي نقفل النار و نحط عليهم 3 مغلفات جبن شرائح ونقلب لحد ماتذوب الجبنه
نحشي فيها الميني بانيني وتقدم

وبالعافيه ..

=======

شرمب الروبيان المقلي مثل المطاعم


الطريقة والمقادير :

ربيان حجم كبير
ننقعه في هالخلطه
م ص زنجبيل باودر
م ص كزبره مطحونخ
فص ثوم مفروم
فلفل حار مطحون
ملعقة كبيره من بهارات اسناد للسمك

تخلط المقادير السابقه كلها وننقع فيها الربيان انا نقعته فيها ليلة
نخلط نصف كاس بقسماط نضيف للبقسماط نصف كاس طحين
نصفي حبات الربيان من خليط النقع ثم نضعها في خلطة الدقيق والبقسماط
ونضغط على حبات الربيان حتى يثبت الدقيق عليه
نضع الزيت على النار حتى يحمى
نقلي حبات الروبيان مع مراعاة درجه الحراره ماتكون عاليه مررره ولا هاديه مرره
ويقدم مع البطاطس المقلي وصوص ثاوزند ايلآند مع شوي كاتشاب وخردل
وبالعافيه ..

=======

سلطة الباذنجان والبطاطس بالطحينه


المقادير والطريقة :

باذنجان مقطع شرائح ومقلي

بطاطس مقطع شرائح ومقلي

طماطم نقطعها شرائح عريضه ونقليها


نتبل الطماطم والبطاطس والباذنجان برشة ملح وفلفل أسود و أوريقانوعلى الجهتين

بعدين نجهز صوص الطيحنه ( ملعقتين طعام طحينه + نص علبة زبادي + ثوم باودر +

عصير ليمونه + ملح + فلفل أسود )

نخلطهم سوا


في صحن التقديم

نحط باذنجان فوقه بطاطس وشريحة طماطم وفوقهم صوص طحينه وخليكم كريمين

نعيد الطبقات ونحط صوص طحينه

اذا ماثبتت الطبقات ممكن نثبتها بعود أسنان

ونزين الوجه بكزبره مفرومه مع نعناع وتقدم

وبالعافيه

=======

سلطة المكرونة بتتبيلة الشبت


المقادير :


مكرونه مسلوقة

ذرة معلبه

زيتون شرائح

فلفل بارد ألوان مقطع مكعبات

حمص حسب الرغبه إختياري


الدريسنق :


للمبدعه غرور أنثى تتبيلة الشبث اللزيزه

بالخلاط

نص علبة صوص رانش

علبة زبادي

م ص ثوم باودر

م ص توابل إيطالية وأوريقانو

نص حزمة شبث

عصير ليمونة

ملح وفلفل أسود

م ك خردل بالفجل


خلطوا الأشياء مع بعض وحطوا الدريسنق فوقهم وعليكم

بالعافيه

=======

سباجيتي بالروبيان


المقادير والطريقة /

روبيان طازج منظف ومغسول

نتبله بــ ( خل / خردل / ثوم باودر / زنجبيل باودر / ملح الليمون / فلفل أسود / كركم / كمون / رشة ملح ) نصف ملعقه صغيره من كل ماذكر أعلاه

كل ماطال وقت التتبيله كل ماكان أطعم ..

نشوي الروبيان على صاج مدهون بشوي زبده وزيت زيتون عشان ماتحترق الزبده

لحد ماينضج

نسلق الاسباغيتي بموية وملح وزيت زيتون

وإذا نضجت المكرونه نصفيها وناخذ شوية من موية السلق ثلاث ارباع كاس

نذوب فيه نصف مكعب ماجي ونضيف له ملعقتين أكل صويا صوص

نضيف له السباغيتي والبقدونس المفروم وبصل أخضر مقطع قطع صغيره

ونقلبهم سوا

نقدم السباغيتي في صحن التقديم مع رشة بارميزان

ونحط الروبيان المشوي فوقهم

وبالعافيه ..