فطائر ميني بانيني النقانق

طريقة عمل فطائر ميني بانيني النقانق


الطريقة والمقادير :

اي عجينة فطائر معتمده عندك
انا عجينتي المعتمده مقاديرها
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
تعجن وتخمر ساعه في الفرن او في مكان دافئ
نفردها بحيث تكون متوسطه مانخليها سميكه
ولا رقيقه ونشكلها بشكل البانيني
وتمسح بالحليب والبيض ولكم الخيار لو حبيتوا تضيفون لها سمسم او حبه سوداء او تخلونها ساده
نخبزها في الفرن ونحشيها

الحشوة :

بصله مفرومه وفلفل رومي مفروم نشوحهم عالنار مع قطع النقانق
تبهر بالملح والفلفل والتوابل الايطاليه
نضيف لهم ملعقتين طعام صوص باربكيو + خردل
بعد ماتستوي نقفل النار و نحط عليهم 3 مغلفات جبن شرائح ونقلب لحد ماتذوب الجبنه
نحشي فيها الميني بانيني وتقدم

وبالعافيه ..