الذ مكرونه فوتشيني جربتها
بواسطة: مها
تاريخ الوصفة: 18/12/2015
الفوتشيني يجنن طعمها وسهله وألذ فوتشيني جربتها❤️
المقادير والطريقه:
١-نفرم بصله وسط فرم ناعم عشان ما يبان وفص ثوم ونحمسها ونضيف لها صدور دجاج مقطعه ونضيف نص ملعقه صغيره ملح ومكعب ماجي وربع ملعقه صغيره من (الكركم والباربكيا والفلفل الأسود والكزبره الناشفه والبهارات المشكله)ونقصر على النار ونغطيه نص ساعه.
٢- نكسر ٤٠٠ جرام مكرونه فوتشيني من النص ( افضل نوع جربته قودي) ونضيف لها مويه مغليه وملح وملعقتين زيت ونسلقها من ربع الى ثلث ساعه ونحركها عشان ما تلزق.
٣-نضيف على الدجاج (علبه كريمه طبخ المراعي الصغيره مع ملعقتين قشطه عاديه مع ملعقه كبيره جبن سايل مع ثلث كاس من مويه المكرونه (عشان ما تلتبد بسرعه)
٤- نشخل المكرونه ونرجعها القدر ونضيف لها الدجاج بالصوص ونقلبها شوي وتكون جاهزه.
وهنا وعافيه ❤️
ملاحظه: اللي يحب المشروم يضيفه مع الدجاج
