إندومي بنكهة كاري دجاج

بواسطة: أم خلود

تاريخ الوصفة: 15/12/2015

طريقة عمل إندومي بنكهة كاري دجاج

جبت لكم أكله خفيفة وسهلة من الاندومي..

المقادير ..

3 أغلفة إندومي بنكهة كاري دجاج ..

3 حبات بطاطس صغيرة ..

جزرتين متوسطة ..

نصف قرن فلفل أخضر ..

بصلة كبيرة ..

شوية زيت ..

صويا صوص ..

الطريقة ..

1. نقطع البصل شرائح رقيقة .. ونحطها في القدر مع الزيت إلى أن تتحمس شوية ..

2. نقطع الجزر والبطاطس مربعات متوسطة وأقرب إلى صغيرة .. .. ونضيفهم للبصل ..

3. نقطع الفلفل الأخضر .. إلى دوائر .. عشان يضيع في وسط الحفلة .. ونضيفه للمقادير السابقة

4. نضيف للكل مقدار ملعقة الشاي صويا صوص ونضيف بهارات الأندومي بس الملح والفلفل الزيت إلي يجي معاه لا تحطوه .. وراح نكتفي ببهار مغلفين إندومي .. ونقلب الخليط .. شوية شوية .. مو تخلوها نهرس ..

وهذي الصورة للخضار وهي في القدر .. معليش مو مرة واضحة .. بس تمشي حالها ..

5. نجيب قدر ثاني ونحط ماء ونكسر الإندومي .. ونحطها ع الماء .. ونحط البهار الثالث الباقي وواحد زيت بس الاثنين الباقية استغنيت عنهم ..

6. بعد ما ينسلق الإندومي وتستوي الخضار تمام .. نصفي الإندومي .. ونضيفها لقدر الخضار .. ونقلبهم شوية شوية ..

7. وبالعافية عليكم ..

وهذا صورة إندومي بنكهة كاري دجاج وهو في الصحن ..

شو رأيكم ..

في الأخير .. بس حابة أقول لكم .. بالنسبة للخضار .. تقدروا تضيفوا :

الكرمب ( الملفوف )
ذرة معلبة
فلفل رومي << للأسف ما كان عندي ولا كان طلع الطعم أحلى وأحلى