طريقه عمل اقماع بحشوة الخضار من مطبخ غالا
بواسطة: غالا ( هيفاء )
تاريخ الوصفة: 07/12/2015
المقادير لعمل عجينة الاقماع :
½ 2 فنجان حليب بودرة
½ 2 ملعقه ك خميره
1 بيالة زيت
1 فنجان سكر
½ 1 كوب ماء
½ 3 تقريباً دقيق ويمكن أضافة المزيد عند الحاجة
الطريقة لعمل عجينة الاقماع :
تخلط المقادير السائلة ثم تضاف لها الخميره ثم تضاف بقية المقادير وتعجن جيداً وتترك تخمر قليلاً وبعد ذالك تفرد بالطول وتقطع شرائح طوليه عرضها واحد سنتمتر أو أقل وتلف حول قوالب الاقماع الحديديه وتدخل الفرن حتى تتحمر
عندما تبرد يتم نزعها من القوالب وتحشى حسب الرغبة ،،
مقادير وطريقة عمل حشوة الخضار :
أول شي أقطع الخضار صغار مره ( بطاطس + جزر + فآصوليا ) وأسلقها نص سلقه بس تصير لينه شوي مو تنهرس لا بس شوي .
وبعدين أصفّيها على طول واخليها على جمب .
الحين أجيب التاوه :
أحط شوي زيت مع شوي زبده واحمس فيه بصل مفروم مع شوي ثوم مفروم واذا بدى يذبل حطيت شوي صلصة طماطم + مرق دجاج نص كوب كذا واحط البهارات والملح واخليه يتسبك شوي وبعدين اضيف الخضروات واخليه على نار هاديه لين تستوي مضبوط وتتشّرب مرق الدجاج كله واخر شي اطفّي النار وأضيف البازلاء المعلّبه وأخلطها بخفّه عشان ماتنهرس وخلصنا
بسيطه ولذيذه حتى اللي مايحب الخضروات حبّوها لأن مرق الدجاج والبهارات تخلّي الخضروآت تصير لذيذه وتحشى الاقماع
