إندومي بالجزر والفلفل الرومي بالصور
بواسطة: C H E E R Y
تاريخ الوصفة: 06/12/2015
طريقة عمل إندومي بالجزر والفلفل الرومي بالصور indomie
صحننا اليوم هو عبارة عن اندومي بالجزر والفلفل الرومي
المقادير لعمل الإندومي بالجزر والفلفل الرومي :
مايبغالها مقادير اصلا الله يبارك في البقالة
اندومي على حسب الكمية اللي تبغين
جزر + فلفل رومي + بصل + ثوم + صويا صوص
>>> شفتوا قد ايش شوية مقاديرها
الطريقة لعمل الإندومي بالجزر والفلفل الرومي :
طبعا مثل ماهو واضح بالصورة نقطع البصل لانصاف حلقات
والثوم بعد نقطعه شرايح والفلفل الرومي
والجز نبشره بشر عاادي >> وهو في بشر غير عادي
هناك نكون قد سوينا الاندومي عاادي
يعني نحطه بموية مغلية ونحط بهاراته عليه
بس نبقي مغلف بهارات او مغلفين للكشنة
ونطلع الطاوة او المقلى على النار ونحط شوية زيت
لأننا راح نحط كمان الزيت اللي يجي مع الاندومي
>>> عليها توفير عجييب
نحط البصل والثوم ونبدا نقلبه بين الزيت الين يتحمر
ونصب فوقه شوية صويا صوص (ملعقة صغيرة)
وبعدها نحط الجزر ونقلبه مع بعض الين تحسين الجزر تلون باللون الموجود
>>> اتمنى فهمتوا شقصد
وطبعاً نضيف البهارات
واذا حبيتوا تحطوا بهارات من عندكم هذا راجع لكم
هناك يكون الاندومي خلاص حطيناه بمصفاية
عشان نصفي منه بقية المويا
ونضيف الاندومي على الجزر ونقلبهم مع بعض
الين نحس ان الجز تداخل هو والاندومي وصاارواا حبايب
وبعدها تضيفون الفلفل الرومي لآن الغرض من وضعه بالاخير ما يكون مستوي مررة
عشان يحتفظ بطعمه الاصلي
ونحطه بصحن
ونزينه ببيض مسلوق
وعليكم بالهنا والعافية
كانت معاكم من وراء الكاميرا
الشيف شيــري
