حلى كاسات مقاديره بسيطه
بواسطة: امواج دافئة
تاريخ الوصفة: 30/11/2015
كان عندي بواقي حاجات كتير اوي قلت اعمل بيها حلو الكاسات ده وبجد طلعت حلوه اوي
والبواقي الي كانت عندي هيا
كريم شانتيه مضروب مع قشطه
صوص كراميل
شوكولاته خام
كنت مسيحاها واتبقي شويه
بسكوت اولكر
شويه جوز هند
نص موزه
جيلي فرواله
تعالو بقي شوفو الجريمه الي انا عملتها
الاول طحنت البسكوت وحطيت طبقه في الكاس
وحطيت طبقه من الكريم شانتيه بعد اعاده ضربه تاني مع شويه جيلي عشان يبقي اللون الحلو البمبي ده
وحطيت كمان طبقه بسكوت وكمان طبقه كريم شانتيه
وحطيت الجيلي
مش كتير شويه بس كده
وحطيت طبقه شوكولاته
وكريم شانتيه تاني
واخيرا من فوق صوص كراميل
ورشه جوز هند
وقطعتين موز كده بس للتزين
وبعدين بحطه في التلاجه لحد ما يجمد ويمسك نفسه او لو مستعجله حطيه في الفريزر وبالف هنا للي هتجربه
وبجد كان طعمه حلو اوي
صوره كمان عشان خاطر الحبايب
