لقيمات ورد تميم
بواسطة: ورد تميم - آمال المقبل
تاريخ الوصفة: 18/11/2015
سويت اليوم لقيمات تهبل
المقادير للعجينه :
علبة زبادي دافيه
نص كوب مويه
ملعقه صغيره خميره
ملعقه صغيره كاسترد
رشة سكر
رشة ملح
الدقيق حسب العجن ممكن كاس ونص وشوفي انتي اذا تحتاج لدقيق زياده
الطريقة :
اعجن المقادير واتركها ربع ساعه وارجع اخلطها بيدي واتركها بعد نص ساعه وارجع اخلطها وبعدين اتركها حتى تختمر
والقلي تخلين الزيت حار نوعا ماء وقصري النار وابدي بشيل العجينه بيدك واضغطي الابهام مع السبابه وتطلع لك عجينه مدوره شيلها بملعقه بلاستيك مغموسه بزيت بارد وارميها بالزيت الحار وبخفه
سوي كل بقية العجين بهالطريقه وابدي بالتقليب حتى تتحمر اللقيمات وشيلها على ورق منديل وبعد كذا قدميها
انا احب العسل واللي تبي شيره عادي حطن اللي تبن وممكن دبس التمر
وبالعافية
