طريقة عمل اللقيمات بالشيره

طريقة عمل اللقيمات بالشيره


مقادير وطريقة تحضير وعمل اللقيمات بالشيره

المقادير لعمل العجينه :

علبة قشطه

بيضتين

2 كوب طحين

بياله زيت

ملعقه آكل خميره فوريه

ذره ملح

ملعقه آكل سكر

نص ملعقه صغيره هيل

ذره زعفران

الماء على حسب الحاجه

مقادير وطريقة الشيرة :

2 سكر مقابل 1 ماء ....

بغض النظر عن المكيال المعتمد ...كاس أو بيالة أو سطل أو برميل ...(تخيلوا )

المهم 2 مقابل واحد ...

يعني مثلاً لو بغيت أسوي كمية كبيرة تكفي أسبوعين تقريبا ً ..

أسوي 4 كاسات ماء ...و8 كاسات سكر ...بالضبط ....لازم لين فوهة الكاس ماينقص ولا ملم ...

حطيهم في قدر ...وحطية عالنار ..ولما يبدأ بالغليان ..

قطعي ..نص ليمونة بقشرها ...شرايح رفيعة ...وحطيها ...

( ساعات أضيف شريحة برتقال بقشرها ) ويطلع الطعم واو ...

بعدها أضيف نكهاتي السرية ...نص م ص فانيلا ...+كم حبة فرنفل + عود دارسين (قرفة )

حبة زعفران .. ساعات أضيف كم حبة هيل كامل ..بس مو دايماً ...

وخليهم يغلون سوا ...مع المراقبة ...لحد مايصير قوامها أخف من العسل بتكة ...


وأنا أختبرها بواسطة الملعقة ..أحط الملعقة جواتها وأطلعها والمس العالق فيها من الشير

وأشوف كيف مدى لزوجتة بأصابعي ...

خلاص طفيها ...وخليها لما تبرد تماماً ..لا تستعملينها حارة

الطريقة لعمل اللقيمات :


تخلط جميع المقادير السابقة وتخمر لمدة 3 ساعات او 4 ساعات

ثم نكور وتصب في زيت غزير وتقلب بأستمرار وبعدها نغمسها بالشيره اللي جهزناها واصبحت بارده


اللقيمات من الداخل





وهنا اللقيمات بالدبس والحبه السوداء بنفس العجينه


وهنا اللقيمات بالشيره والسمسم بنفس العجينه