لقيمات نجديه بالصور
بواسطة: سيده من نجد
تاريخ الوصفة: 16/11/2015
سويت لقيمات روعه حبيتكم تشوفونها وتذوقونها معي
وهذي لقيماتي من كم سنه من ذاقها قال عطيني وصفة اللقيمات
روعه يابنات
المقادير لعجينة اللقيمات :
كل كاس دقيق له ملعقه صغيره خميره
4 كاسات دقيق الكويت
يعني نحتاج 4 ملاعق خميره صغيره
وذره ملح
ملعقه صغيره سكر
نص بياله زيت
كاس ماء دافي يعني حارشوي
وكاس لبن
ملعقه كبيره نشاء
بيضه وشويه فانيليا
الطريقه لعمل اللقيمات :
نعجن جميع المقادير ماعاد البيضه ونعجن واذا حسينا انها محتاجه مويه نزيدها
ونتركها تتخمر ساعه
انا اشعل الفرن لين يسخن وبعدين اطفي النار منه وادخل العجينه واتركها ساعه الا ربع
وبعدين اطلعها واضع البيضه واعجنها واتركها ترتاح
وبعدين اكورها واضع في زيت ساخن
وهذا شكل اللقيمات بعد وضع العسل عليها
وسلامتكم
وبالعافيـــــــه عليــــــكم
