عمل السمبوسة من مطبخ الشيف لطيفة مسعود بالصور

طريقة عمل السمبوسة من مطبخ الشيف لطيفة مسعود بالصور











وقع اختياري لاعمل (السمبوسة) وهي في الاساس وصفة هندية لكن منتشرة جدا جدا في دول الخليج بالذات في السعودية وهي من المقبلات الضرورية جدا جدا والي لازم تكون موجودة على سفرة الفطار في رمضان هي وتؤم روحها (البكورة) وهي وصفة هندية برضو وطعمه ولذيذة هي وعيش الجباتي والبراتي الهندي.

السمبوسة يا جماعة بتتعمل من العجين وفيه نوعين نوع رقائق عجين السمبوسة بيتجاب جاهز من السوبرماكت وبيبقى متلج وممكن يتعمل برضو في البيت . والنوع التاني والي حيكون موضوعي العجينة المنزليه واللي بيتعمل من عجينة فرش محضرة في البيت . وبصراحة عن نفسي بفضل النوع التاني لانو لذيذ بطريقة رهيبة جدا جدا وما يتشبعش منو بجد بالذات لو عملتيه بحيث تبقى العجينة وسط مش رقيقة ولا تخينة ولما تتقلي تبقى طرية من جوة ومقرمشة قرمشة جميلة كدة زي الشيبس من برى بس ما تبقاش شاربة زيت

وأغلب الوقت نستسهل نستخدم عجينة السمبوسة الجاهزة. لكن نكهة السمبوسة المعدة باستخدم عجينة عجينة ولذيذة وخفيفة لو اتبعنا الطريقة الصحيحة والتكنيك الصحيح . عن نفسي افضل أسوي العجينة بنفسي لاني العجينة الجاهزة احس اني اكل ورق مقلي . فخليت استخدم عجينة السمبوسة الجاهزة لمقبلات وأصناف ثانية بس مش للسمبوسة .

وبسم الله نبدأ بعمل وتحضر السمبوسه المنزليه اللذيذه


طبعاً أهم حاجة قبل العجين هو الحشو . وذي حرية شخصية راجعة لك احشيها بالي تحبيه انتي وأسرتك بس بالنسبة لي أروع حشوتين للسمبوسة في الوجود هما (اللحم المفروم . والجبنة الفيتا المضاف له بقدونس ونعناع مفرومين ومهما أوصف ما راح الاقي حاجة توفيهم حقهم .





واكتشفت بعد حشوة جديدة ولذيذة وهي (جبن موزاريلا مبشورة , جزر مبشورة, فلفل بارد مبشور) واتأكدي من الملح علشان المزاريلا بيبقى ملحها خفيف . وعلى فكرة أساس السمبوسة هي حشوة البصل وهي حشوة هندية ما أقدر أوصف لكم جمالها ولازم باذن الله انفذها و أضفيها لان السمبوسة لا تكمل غير بالحشوة دي .




وذي حشوة الجبنة المزاريلا والجزر والفلفل وهي جاهزة .




مقادير عجينة السمبوسة :

2 كوب دقيق ( الطحين الكويتي الفاخر )
1معلقة طعام نشا ذرة
ربع معلقة صغيرة ملح
ربع كوب زيت نباتي



في الفود بروسيسر او محضرة الطعام اعجنيها بايديك بنفس التكنيك حنظيف الدقيق والنشا والملح والزيت النباتي ونشغل المكينة عليهم ولو حتعمليهم بايديك يبقى حتبسيهم زي ما بنحبس عجينة الكحك.



حيبقى ده شكلهم زي الرمل المبلول شوية



هنا صورة أقرب



بنبدأ نضيف ماء بالتدريج ونعجن . انا استخدمت الطحين الكويتي الفاخر والكوبين خذو حوالي 3/4 الكوب او اقل بشوية . لكن أنصج دايما تضيفين الماء بالتدريج لاني درجة رطوبة الطحين تختلف في انواع تحتاج ماء اكثر من انواع ثانية



هذا شكل العجينة خذيت بالظبط 4 دقايق وصارت لينة ومتماسكة وناعمة . ولو شديناها ممكن تشد وما تنقطع وهذا هو القوام المطلوب.



ولازم نستمر في العجن لحد ما تبقى عندنا بتشد كدة من غير ما تتقطع



نرش صحن بشوية طحين ونحط العجينة ونرشها بعد بقليل من الطحين ونخليها ترتاح على الاقل ثلاث ساعات وأفضل نسويها قبله بيوم لنتائج أفضل ونغطيها بالنايلون بشكل كويس علشان ما تنشف



نسيب عجينة السمبوسة ترتاح على الاقل ساعتين لو مستعجلة عليها وممكن ليوم كامل . وممكن تعمليها وتسيبها في الثلاجة لتاني يوم مافيش مشاكل . لكن ما تزدش مدة احتفاظها في الثلاجة عن 4أيام .



وكدة عجينة السمبوسة بقت جاهزة بعد ما ارتاحت بشكل كويس مدة ساعتين وممكن أكتر كمان




حنحتاج بالأضافة للحشوات الي عندنا شوية دقيق لرش العجينة ونشابة .




وحنحتاج كمان لقطاعات السمبوسة وممكن ببساطة تعمليها بقطاعت البيتزا على شكل مربعات مافيش مشاكل حسب المتوفر عندك او حتى بالكوباية .



وحنحتاج لصواني مرشوشة بالدقيق




بإسم الله نبدأ :
نفرد العجينة بسمك لا تخين ولا رفيع يبقى كويس علشان ما تنسيش حتبقى طبقتين وبينهم حشوة علشان ماتبقاش كلها من جوة عجين.




الي في الخليج حتلاقو القطاعات دول في محلات المواعين العادية او المولات متوفرة في كل مكان تقريباً . وفكرتها انك تاخدي حتة عجينة بنفس مقاسها




وحتحطيها بالصورة دي على قطاعة السمبوسة



وترصي الحشوات بتاعتك وتغطيها بحتة عجينة تانية بالشكل ده




وتدوسي علشها بالنشابة علشان تقفل الحواف كويس وتدينا شكل المثلثات دي



ودي صورة أقرب ليها واتأدي من انها مقفولة كويس




وده شكلها الجميل جدا بعد ما نزلت من الناحية التانية مقصوصة وجميلة والحواف مقفولة .



وبرصهم في الصواني المرشوشة بالدقيق بالصورة دي












وده الموديل التاني والي متوفر بشكل كبير وكل الستات تقريبا عندهم زيه مع اختلاف الموديل . حنقطع بقعر القطاعة الدائرة بالصورة دي




دي صورة أوضح ليهم




هنا بقا حنحتاج اننا ندهن الحواف بالماية علشان تلزق كويس وما تفكش مننا أثناء القلي .




وحنحط الحشوات بتاعتنا الي احنا عيزينها بس نراعي ما تزدش عن معلقة طعام ممسوحة بالنسبة للمقاس الكبير . كمان تكون الحشوة في النص مش على الاطراف








ونقفلهم على بعض بالصورة دي علشان الدائرة تقفل وتبقى نص دايرة وتاخذ شكل الفرمة والناحيتين يلزقو مع بعض



ودي صورة أقرب



اية رأيكم في الجمال ده



وحيبقى عندك أحلى سمبوسة في الوجود



وكالعادة بواقي العجينة تلميهم على بعض وترجعي تفرديهم وتكرري العملية



وبرضو رصيت الموديل ده في الصواني المرشوشة بالدقيق











وممكن تعلمي الموديل الصغنن أوي ده كنوع من أنواع الحلويات بحيث انك تحشية مكسرات أو زبيب وبعد القلي تحطية في الشربات حيبقى جميل جدا عن تجربة.



المقدار ده يعملك بين 22-25 وحدة سمبوسة حجم وسط وده شكل الكمية كلها .


لو مش عايزين نستخدمها دلوقتي ممكن نفرزها بالطريقة التالية:-
1-ندخل الصواني كدة الفريزر لمدة ساعة




2-ده حيبقى شكلهم حيبقى مجمدين ومحتفظين بشكلهم بطريقة ممتزة جدا







3-حنحطهم في أطباق بلاستك او فوم ونحفظهم في الفريزر




بصو شكلهم مترتب وجميل عشان جمدناهم قبل ما نرصهم فوق بعض فاحتفظنا بالشكل الجميل ونفس الفكرة ممكن تستخدميها مع الكوبيبة الشامي والكوفتة علشان نحافظ على الشكل ودي حاجة مهم جدا جدا بالذات للحاجات الي محشية .



طريقة القلي:

نقلي السمبوسة في زيت متوسط الحرارة ونحاول ما نقلبهاش خالص غير ما الوش الي تحت يحمر ويبقى ذهبي . ولو طازجة حتاخذ حوالي 4دقايق غلى 5 دقايق في الزيت ولو مجمدة بتاخذ وقت أقل من كدة .ونطلعهم على ورق نشاف علشان باقي الزيت ينزل.



بصو شكلهم من قريب مقرمشين والشكل تمام 100% علشان اتبعنا خطوات مدروسة وناجحة



الي بيميز السمبوسة بتاعتي انها بعد القلي بتقى منفوخة كدة ومقرمشة من برى قرمشة جميلة جدا زي البسكويت الناعم اوي ومن جوة طرية ومش معجنة .بصي لما ضغط عليها اية الي حصل



وهنا صورة أقرب كمان



رصيتهم في طبق التقديم وانتو وذوقك واللي بتحبيه احنا بنقدمها مع بطاطس مقلية وبتنجان مقلي وسلطة خضراء وبيبقى أحلى غداء .







اتمنى يكون موضوعي البسيط عن السمبوسة ضاف لكم حاجة جديدة في عمل السمبوسة


مع محتبي
شيف لطيفة مسعود