عجينة سمبوسة البف روعه وسهله بالفرد والعجن
بواسطة: روعة الخالق
تاريخ الوصفة: 07/11/2015
جايبه لكم هالعجينه مره روعه وهشه وسهله بالفرد ماتحتاجين ترشين دقيق ابد مره سهله بالفرد ونجاحها مضمون ماراح تلصق بأيدك ومن هالكلام لا ابد حطي المقادير بالضبط وبإذن الله راح تدعولي
المقادير لعجينة سمبوسة البف :
كاستين دقيق ابيض ,,<< انا استخدمت الدقيق الكويتي
ربع كأس زيت
ثلاث ملاعق طعام كبيره نشااا
ملعقة صغيره ملح
ونص كأس ماء لو احتاجت مااء زيدي حاجه بسيطه بس لان الدقيق يختلف من نوع للثاني من ناحية الماء بس نص كأس بإذن الله يكفي
اعجينها كلها وخليها ترتاح حق ساعه ونص تكفي وافرديها واحشيها بالحشوه اللي تحبيها حشوتي كانت عباره عن دجاج مفروم مع كزبره و بطاطا مسلوقه ومبشوره وجبنه كرافت وبهارات
جربوها كمان واحشووها جبن كيري وعند التقديم حطوو عليها شوي عسسسل تطلع لذيذه بشكل فضيع
لو جربتوها وعجبتكم ادعولي دعوه بظهر الغيب ان الله يحقق امنيتي اللي على وشك اني احققها بأذن الله
