مندي اللحم في الفرن من مطبخي
بواسطة: لطيفة الدوسري
تاريخ الوصفة: 05/11/2015
لعمل مندي لحم بطريقتي :
لحم ينظف ويوضع في القدر ويوضع عليه ماء وبعد الغليان نشيل الشوائب ونضع بهارات صحيحة وبصلة مقطعة وثوم وفلفل حار ورشة كمون وكزبرة وفلفل اسود وزنجبيل وكركم وندعه الى أن ينضج اللحم نملحه ونتركه خمس دقايق ثم نرفعه ونضعه في صينية الفرن ونتبله بعصير ليمون مخلوط بزيت وصبغة صفرا وقليل ثوم ونقصدر الصينية وندخلها الفرن ونكون في هذي الاثناء مولعين فحم طبيعي الى ان يتحول الى جمر لازم يكون جاهز نصفي الرز (استخدم رز مزة للمندي لأنه يتحمل طبخ ) ونضيفه للمرق ونخليه ع نار عالية في البداية اذا المرق أغلبه تبخر وبدا يطلع على وجه الرز زي الحفر صغيرة احط صبغة صفرا ع الوجه و أحط صحن معدني صغيرة او قدر صغير المهم ادخله داخل الرز واحط فيه الفحم واصب زيت واسكره بسرعة عشان اكتم الدخان واحط حديدة توزيع الحرارة تحت القدر واقصر عليه ونفس الشي اللحم اطلعه من الفرن واحط صحن معدني فيه فحم واصب زيت واقصدره بعد عشر دقايق افتح القدر واشيل الصحن اللي فيه الزيت
وتغرفينه وبالهناء والعافية
إضافات ع الوجه حسب الرغبة :
قليت بصل جوانح وسلقت مكرونة وصبغتها ورشيت عليها شوي من زيت البصل للنكهة وشوية كزبرة
محبتكن : لطيفة الدوسري
