جريش بالروبيان

طريقة عمل جريش بالروبيان


لعمل طبق جريش ربيان نحتاج إلى :

٣كاس جريش مغسول و منقوع
كيلو ربيان بدون قشر
3طماط مفروم
2بصل و 1ثوم مفروم
بهارات صحيحة ( قرفة و لومي أسود
بهارات ناعمه ( كاري وكركم وبهار مخلوط وهيل ناعم ولومي ناعم )
1فليفلة شرايح
1معجون طماط

الطريقه :

نحمس البصل مع الثوم و عود قرفة بشوية زيت و نضيف الطماط مع كركم وبهار ولومي ناعم مع المعجون لين الكل يذبل وتالي نضيف الربيان ونقلبه معاهم ونقلب الكل لين يتغلف الربيان بالنكهات الموجوده بالقدر
نضيف له الماي المغلي والفليفلة .. وأول ما يغلي نضيف الجريش وفلفل قرون وكزبرة خضرا .. و نغطيه ونتركه يترسى لمن تنفش حبته وتستوي ونغرفه وندهنه بسمن أو دهن بقر ويقدم وبالف عافيه

ملاحظة :

اول شي ننهنه اليريش او مثل ما نقول نشفشفه يعني نقلبه على مقلاه ناشفه لين يتغير لونه بس ننتبه انه ما يحترق ونتركه يبرد وبعدين نغسله و نطبخه