صينية الدجاج بصوص الكزبرة

طريقة عمل صينية الدجاج بصوص الكزبرة


صينية الدجاج بصوص الكزبره جربوها لذيذه وسهله وفيها ميزة التحضير المسبق جهزوها ودخلوها الثلاجه بكره طلعوها قبل بنص ساعه ودخلوها الفرن ساعه


لعمل صينية الدجاج نحتاج الى :

دجاجه كامله
بطاطس مقطع الى مكعبات كبيره

للصوص :

بصله مقطعه أرباع
٣ فصوص ثوم
نصف حزمة كزبره مورقه ومغسوله
ملعقتين صلصلة طماطم
شوي كاتشاب
شوي مايونيز
شوي زيت زيتون
رشة زعتر مجفف
رشة بابريكا
رشة فلفل اسود
ملعقه من بهارات الشوي
نص كاس ماء
ملح
عصير ليمونه


الطريقه :

نقطع الدجاجه الى ارباع
نغسلها بالخل
في الخلاط نضع مكونات الصوص
ونخلطها الى ان تنعم
نوزع الصوص بالتساوي على الدجاج ونقلبه فيه قليلاً
بعدها نرتب البطاطس في قاع صينية الفرن
نرتب الدجاج على البطاطس
ونسكب باقي التتبيله عليه
نغطيه بالقصدير وندخلها للثلاجه لليوم الثاني
او ندخلها الفرن مباشره لمدة ساعه
ونكشف القصدير بعد التاكد من استواءه ونحمره من اعلى ويقدم
مع الخبز او الارز الابيض