سوفليه الجبن سهل ولذيذ بالصور

طريقة عمل سوفليه الجبن سهل ولذيذ بالصور

souffle recipe cheese


عملت سوفليه الجبنة

حاجة سريعة وجميلة اوي في البرد ..كمان هاكسر قاعدة تقديمه في القوالب وهاعمله في فنجان لكسر الملل وللتجديد

المكونات لعمل سوفليه الجبن :

2 م ك دقيق 1 كوب لبن

2 بيضة كبير انا استعملت 3 صغير

2 م ك زبدة 3 م ك اي نوع جبنة مبشورة

ملح وفلفل


الطريقة لعمل سوفليه الجبن :

هاحط الزبدة على النار تسخن وبعدين اضيف الدقيق


بعد الدقيق ما ياخد اللون الدهبي اضيف اللبن

واقلب بسرعة عشان ما يتكتلش واضيف الملح والفلفل


في الوقت ده افصل البيض الصفار لوحده والبياض لوحده



هاضيف الصفار للصوص اللي عملته واحده واحدة واخلطه كويس



وده شكله



وبعدين اضيف الجبنة



وكده نص المهمة انتهت

اجي للبياض اضيف ذرة ملح واضربه بالمضرب



لحد ما يبقى زي المارينج


وابدأ اخلط الصوص الاصفر ببياض البيض من تحت لفوق ذي ما بخلط الكيك الاسفنجي لحد ما يختلطوا ببعض كويس



واصبه في القوالب وفي حاجة مهمة جدا لازم اعملها

بصابعي وامشي على جنب القالب بتاع السوفليه عشان امسح حرفه من القالب علشان ما يلزقش في القالب وكده مش ها يرفع معايا



ويدخل فرن 180 وبيبقى كده









وبالف هنا عليكم السوفليه الجبن