طريقة عمل الكوكيز بزبدة الفول السوداني

طريقة عمل الكوكيز بزبدة الفول السوداني


كيكة الكوكيز بزبدة الفول السوداني تكفي من ٨ اشخاص الى ١٠
المميز بكيكة الكوكيز راح تستخدمين زبدة فول سوداني وتشوكليت تشيبس ريسز وسنيكرس

نبدأ
المقادير والطريقة :

استخدمت خفاق يدوي !
اول شي نحط اصبعين زبده بحرارة الغرفه
مع كوب سكر مطحون ونخفق
ثم نضيف ثلاث حبات بيض
مع ملعقه ص ڤانيلا وملعقه صغيره خل ونخفق
ثم نضيف ملعقه كبيرة زبدة فول سوداني ونخفق
بعدين نضيف كوبين طحين منخول مع ملعقه كبيرة باكنج باودر
ونحركة بملعقه بعدين نضيف نص كوب تشوكليت تشيبس من ريسز لأن فيها زبدة فول سوداني نفس الي بالصورة فوق صورته عشانگم
الخليط راح يكون تقريباً زي الايسكريم متماسگ نوعاً ما
_
بعدين ندهن الصينية زيت ونرشها بطحين ونفرد فيها الخليط
استخدمت الفرن العادي الي الغاز ! حطيتها تحت ربع ساعه و١٠ دقايق فوق انتبهي خليها بالوسط مو تقربينها للنار
بعدين خليها تبرد لازم !
ثم اقلبيها بصحن التقديم ونزينها بالنوتيلا وقطعي سنيكرس عليها من فوق وتشوكليت تشيبس من ريسز وكثري او قللي حسب الرغبه !
اعجبت كل البيت وجلست يوم كامل بحرارة الغرفه ونفس الطعم
ومره هش وخفيفة طريه من داخل ومن برا

الوصفه تأليفي
واتمنى تعجب الجميع