تارت اللوتس من مطبخي
بواسطة: Reem
تاريخ الوصفة: 11/10/2015
مقادير وطريقة عمل تارت اللوتس :
كأسين بسكويت شاي مطحون + ثلاث بيضات + نصف كاس زيت + نصف كاس سكر + نصف كاس حليب سائل + ملعقة باكينج باودر + شوية فانيلا
يخلط البيض والسكر والحليب والزيت وبعدين نضيف البسكوت المطحون والباكينج والفانيلا
نصبها في صينية التارت المدهونه بشوية زيت وندخلها الفرن من تحت على درجة حرارة ١٨٠ مدة ثلث ساعه تقريباً ومن فوق شوي تتحمر ، ونطلعها ونخليها تبرد ونقلبها ونصب فوقها كريمة اللوتس الجاهزه بعد مانخففها بشوية حليب سايل .. .
واذا ماعندك كريمة اللوتس الجاهزه نسوي كريمة اللوتس المنزليه اللي هي نفس الأصليه وطريقتها من المبدعه مشاعل العتيبي يعطيها العافيه
كريمة اللوتس المنزليه :
٢٠ حبة بسكوت اللوتس
كوب كريمة خفق
ثلاث ملاعق سكر بني (انا استخدمت عادي)
تخلط كلها بالخلاط الكهربائي وتحكمي بسماكتها اذا ودك تكون سائله زيدي الكريمه والعكس
هنا طريقتها
زبدة اللوتس
وبالعاافيه
