اقراص الحلوم .. مقبلات سهلة وسريعة

بواسطة: سَيٌور

تاريخ الوصفة: 05/10/2015

اقراص الحلوم .. مقبلات سهلة وسريعة

المقادير والطريقة :

الساندوتش الفرنسي الطويل ..

طماطم صغيرة و كبيرة ..

حلوم الجاهز استخدمت المراعي ..

زيت زيتون ..

نعناع ..

اوريجانو ..

بقدونس ..

تقطعين الساندوتش على شكل اقراص يفضل ماتكون سميكة عشان ماتتعب بالأكل ..

ندهنها بزيت زيتون .. فوقها بقدونس مفروم .. نقطع الطماط قطع رقيقة ونحطها ..

نقطع الحلوم نفس الشيء قطع نحيفة وبحذر لأنه حساس شوي وممكن يخرب عليك لو صرتي دفشة :P

نشويها عالمقلى بشويّة زيت بس تحمر شوي ونرفعها ونحطها فوق الطماط .. نرش شويّة اريجانو ونزينه بالطماط الصغير

واوراق زعتر .. يفضل تحطين اعواد عشان ماتتعب الضيوف : )

ممكن تضيفين عليها ( ريحان - زيتون - زعتر ) اللي ودك فيه الأكل الإيطالي عشوائي وبسيط وهذا أحلى شيء فيه

وبالفرن عشر دقايق قبل لا تقدمينه للضيوف يتحمر وتتشرب النكهه اكثر ..

بس لاتخلينه تنسينه لأنه بيصير حجر وتشوفينهم يشيلون اللي فوق ياكلونه ويخلون

اللي تحت زي البزارين