طريقة الارز الياباني
بواسطة: حلى قهوة
تاريخ الوصفة: 05/10/2015
المقادير
رز
صدور دجاج مقطع مكعبات صغيرة
بصل - بطاطس - كوسه - جزر - فلفل رومي [ أحمر - أخضر ]
3 ملاعق كبيرة صلصة صويا حلوه
1 ملعقة كبيرة صلصة صويا معتدلة
1/2 كاس كاتشب
1 صغيرة ملعقة ملح صيني [ آجي نوموتو ]
ملح
::
قطعي الخضار لشرائح طويلة
::
اقلي بالزيت البطاطس والجزر والكوسة
<< نسيت اصورها
::
جهزي الرز .. رز ابيض عادي مسلوق بماء وزيت وملح
::
حطي بقلاية شوي زيت والدجاج
::
وقلبيه شوي وخليه ع نار هادئه وخليه 10 دقايق تقريبا
بس كل شوي قلبيه
الين يجف من الماء
::
حطي البصل والفلف الرومي ع الدجاج
::
وقلبيه الين ما يذبل
وبعدها حطي عليه صلصة الصويا الحلوه والمعتدله والكاتشب
::
وقلبيه زيين لين يختلط مع بعض
::
حطي عليه الباطس والجزر والكوسة
وقلبيها ع النار شوي وبعدين ارفعيها من النار
::
حطي خلطة الدجاج ع الرز وقلبيه مع بعض زين
