كبيبة حائل

طريقة عمل كبيبة حائل


هذي المقادير لكبيبة حائل ولو ان امي نكبت بالمقادير مالة وزنه
عاد ابراء للذمه سألته وقالتلي التالي

شوين عنبر رخيص < سلكوا
شوين رز مصري ..
طماط مقطع صغير مرة
بصل مقطع صغير
زيت
بصل اخضر
صلص وبرواية اخرة صلصة طماط ..
بهارات ( بزار حايل + كمون + كركم + صرار " فلفل احمر حار " + ملح )


الطريقة :

ورق عنب طازج وناعم مو قاسي ومتكسر ولازم يكون صغير ولونة فاتح مائل للأصفرار
ورق عنب حايل ترى ازين شي
تغسلين الورق وحطية بالمشخالة مهو شرط ينشف عادي
الحين لاجيتي تحشينة حطي الحشوة وقللّية على الجهة اللي بة الشروك ( عروق الورقة )
الحين اللف هو المعجز بالموضوع
تلفينة على شكل سداسي اهم شي يطلع شكلة زي اللي بالصورة ..
الحين لاخلصتي لف
ادهني قاع القدر زيت بالفرشة ..
وصفي اللحم او دجاج وحطي حلقات بصل + طماط + بطاطس + شرايح ليمون + شرايح قرون
وحطي علية شوي بهارات وملح خفيف وصلصة
بعدين صفي الكبيبا
وحطي القدر على النار وخلي النار نص او اقل وبعدين جيبي ماء بارد
وحطي صحن اصغر من القدر وحطية فوقة الكبيبا
الغاية منة انتس لاصبيتي الماء يوزعة بشكل صحيح
صبي الماء لين يغطي الكبيبا مهو يسفح ..
وخلية يطبخ على نار هادية ولاتشربت الكبيبا الماء
ذوقي ملحة اذا ناقص خضي ملح بماء وعيدي نفس الطريقة اللي قبل ..
واقصري النار زيادة
وعلى حسب اذا نجضت واستوت لاتزودينة ماء مرة ثالثة ..
واذا ناشفة وماستوت عيدي صبي ماء للمرة الثالثة ..
تقريبا تاخذ بالطبخ 4 ساعات او اقل ..
وعلى نار مقصورة مرة واذا حسيتي انة خلصت
حطي زيت زيتون والا زيت مقلي ببصل مدري بصل مقلي بزيت
وسكر النار واقلبية بصحن مثل ماتقلبين المقلوبة
والقطية بصحون والا بكيفتس تسان بتاكلينة بصحنه