طريقة عمل المعبوج الكويتي الأخضر الطازج بالصور
بواسطة: كويتيه
تاريخ الوصفة: 30/09/2015
بعلمكم اربع طرق لعمل المعبوج الكويتي الأخضر الطازج عكس نكهة الأحمر الحار
المقادير
* 3 إلى 5 قرون فلفل أخضر حار
( اذا ماكان حار مكن نحط معاه قرنين فلفل هندي حار )
* 3 إلى 5 فصوص ثوم
* شوية نعناع فريش
* ربع شدة كزبرة فريش
* زيت زيتون
* خل ابيض
* رشة ملح
الطريقة
نضع المكونات السابقة في محضرة الطعام عشان نفرمهم فرم ناعم .. ونحط المعبوج في علبه حافظة .. ونمسح سطح المعبوج بزيت الزيتون عشان نحافظ عليه لوقت التقديم
وطبعاً المعبوج مايحلى إلا مع المجابيس
الطريقة الثانية
المقادير
طماطه
بصله
فلفل اخضر حار
ثلاث فصوص ثوم
ليمونه
ملح
زيت زيتون
الطريقة
نحطه في الخلاط ونخلطه بس ما نخليه مثل الماي ،، يعني خلطه خفيفه ونعصر عليه ليمونه و شويه زيت وخلاص
الطريقة الثالثة
تأخذي الفلفل الحار وتقطعية شرائح بالعرض مع أزالة البذر
بعدين حطية في شخالة ورش الملح علي الفلفل الأخضر وأتركية من ساعتين الي ثلاث ساعات
بعدها يغسل الفلفل بماء جاري
تثم نحضر قدر 2أو3 ثوم مهروس
+فنجان فهوة تركي خل
+1كوب شاي مش بيالة عصير ليمون + نفس المقدار زيت عادي
نخلطها ثم نضعاها علي الفلفل
ونضع الفلفل في برطمان ونضعة في الثلاجة ونأكل منة بعد ثلاثة أيام
الطريقة الرابعة
المقادير :
بصله متوسطه الحجم, طماطمتين,معجون طماطم , زيت زيتون , بهارات ,كزبره, زنجبيل طازج, حبة وحدة ثوم
فلفل حار ممكن تحطين معه فلفل بارد بس مو فلفل رومي( الكميه على حسب الحراره اللي تبغينها)
الطريقه
اول ما تبدين حطي الطماطم في مويه حارة عشان تقشيرينه بعد شوي, ابشري البصل بالمبشرة وحطيه بالمقلاة مع زيت
واذا انحمس شوي حطي الثوم المفروم وبعدين الفلفل الحار وبعدين قشري الطماطم وقطعيه قطع صغيرة وحطيه فوقها
واذا حسيتي الطماطم استواء زيدي شوي مويه مع معجون الطماطم والبهارات والزنجبيل بعد ما تبشرينه طبعا والكزبرة المفرومه وخليه على نار هادئه حتى تروح المويه, وقبل ما تطفين عليه زيدي عليه زيت زيتون عشان يخفف الحرارة
وألف عافية على قلوبكم
