ملوخية بالدجاج
بواسطة: yasmeen al turki
تاريخ الوصفة: 30/09/2015
زمان كانت طبخ الملوخية من الأمور الصعبة تقطيفها ورقة ورقة وغسلها فوق العشرين مرة عشان الأتربة الي عالقة فيها ونشرها في منشفة مطبخ كبيرة الين ماتنشف مويتها وبعدها خرطها يعني يبغالها جهد الحين المجمد سار اسهل يمكن مايعطي نفس نتيجة الطريقة الأولى بس يفك وقت الأزمات
مقادير وطريقة عمل ملوخية بالدجاج :
١- نسلق الدجاجة مع حبات الهيل وبصلة بكبرها بدون تقطيع وبس يستوي نضيف الملح ونصفي المرق
٢- نضيف الملوخية المجمدة في المرق ونبدأ نخلطه الين مايذوب ويختفي وهو بيغلي
٣- في طاوة نضع زيت ونكشن ثوم مفروم الين مايحمر ونضيفه على الملوخية لحد مانسمع صوت الطشطشة ونقلبه
٤- ونقدمه مع الخبز او الرز الابيض والدقوس
