كبدة المعلمة ياسمين .. اطعم كبدة وجربوها
بواسطة: yasmeen al turki
تاريخ الوصفة: 29/09/2015
كبدة المعلمة سمسم اطعم كبدة على ضمانتي وشهادتي
الطريقة:
١- اولا نقطع الكبدة شرائح رفيعة طويلة
٢- نولع الفحم ونحط الكبدة في وسط ماعون عميق ونسوي بالقصدير شكل صحن صغير ونحطله شوية زيت ونخليه في وسط الكبدة وبس يولع الفحم نحطه فوق الزيت ونغطيه مضبوط بالقصدير ونسيبه ياخذ طعم الفحم
٣- نقطع شرائح طويلة ورفيعة الخضرة (بصل.- ثوم - فلفل رومي - طماطم - فلفل حار )ونفرم كزبرة ناعمة جدا
٤- نبدأ في الطبخ لازم تكون كل المكونات جاهزة عشان سريع طبخه نحط الصاج على نار عالية ونضيف الزيت وبس يحمى عدل نضيف البصل ونحركه بس يتغير شوي لونه نضيف الثوم بالتقليب المستمر نضيف الكبدة والكمون وفلفل اسود والملح ونقلبه سريع بس يتغير لون الكبدة نضيف الفلفل البارد والحار والطماطم وبس يتقلب كله لمدة دقيقة يرفع من النار ونضيف الكزبرة وتقليبة صغيرة وتقدم على السريع
وبألف هنا وعافية
بصراحة اتحمست وانا باكتب ان شاءالله تتحمسو وقت عملها
