خلية النحل بالخلطه المالحه

طريقة عمل خلية النحل بالخلطه المالحه


الطريقه هذي شفتها في حساب اخت من الاخوات بس هي سوتها على شكل فطاير صغيره
انا ماعندي وقت سويتها صينيه كامله خليه
بس غلطت اني قطعت الفلفل الملون كبار شوي المفروض اصغر والكزبره انعم
جربوها لذيذه كتغير
.
.
.
.
مقادير عمل خلية النحل بالخلطه المالحه :


للعجينه:

٣كاس دقيق الكويتي
3 ملاعق حليب بودره
ملعقه كبيره بيكنج باودر
ملعقه صغيره ملح
ملعقه كبيره سكر
ملعقه كبيره خميرة
ربع كاس زيت
علبه زبادي
نصف كاس ماء دافي .


للحشوه :

كيري مقطع ارباع


للخلطة المالحه :

فلفل ملون مكعبات صغيره
فلفل حار مفروم ناعم
فصين ثوم
كزبره مفرومه ناعم
ملح
اضفت من عندي مكعب ماجي عضوي ( اختياري )




طريقة عمل خلية النحل بالخلطه المالحه :


بالبدايه ناخذ الخميره نذوبها نص كاس مويه دافيه مع سكر
نخلط المواد الجافه بعدها نضيف السائله والخميرة
اعجنها بعدها تتخمر التخمير الاول نص ساعه بس
بعدها اشتغل فيها اصفها في صينيه تيفال ممسوحه بزيت الفها بنايلون
احمي الفرن على حراره ١٨٠
واخليها تتخمر التخمير الثاني
لمدة ربع ساعه ادخلها الفرن لمدة 15-20
الى ان تتحمر من الاسفل والاعلى
في مقلاءه اقلب الثوم والفلفل الحار م قليل من زيت الزيتون
اضيف الفلفل الملون واقلب
اضيف الكزبره واقلب
اضيف الملح واقلب واطفي النار
اسكب الخليط على وجه الخليه واتركها ربع ساعه بعدها اقدمها