سينابون بصوص الشيكولاته والتوفي
بواسطة: G H A L I A
تاريخ الوصفة: 24/07/2015
العجينه :
كاس حليب بودره
3 كيسان دقيق
ربع كاس زيت
1 كاس مويه
ملعقه كبيره خميره
ملعقه كبيره سكر وذرة ملح
ملعقه صغيره بكنج باودر مليانه
يوضع في زبديه الحليب والخميره والسكر والملح والزيت والمويه
نخلطهم بالخلاط اليدوي مو الكهرب زييين
بعدين نحط الدقيق والبكنج بودر ونعجنها باليد ليين تقول ربي الله
ونتركها تخمر ساعه
...
فيما تخمر سوي الصوصات
اول شي صوص التوفي :
كاس سكر على النار اذا ساح حطي علبة قشطه وربع اصبع زبده ذايبه وشيليه من النار وخليه يبرد
الصوص الابيض :
كاس سكر بودره
8 حبات جبن كيري
ربع اصبع زبده ذايبه
مويه بارده حسب الحاجه
اخلطي الجبن والسكر والزبده مع ملعقة مويه اول
بعدين اذا انخلطت ابدي ضيفي مويه لمى توصلين للقوام المطلوب بخلاط الكيك
صوص الشوكولاته :
اي شوكولاته خام ذوبيها في حمام مائي بعدين ضيفي عليها علبة قشطه
اذا تخمرت العجينه اقسميها نصفين بعدين افرديها زيين بس لاتصير سخيفه مره
ادهنيها بشوي زبده بعدين قشطه نص العلبه
ورشيها بهالخلطه
ملعقتين كبار ونص سكر بودره
ملعقتين كبار قرفه
ملعقة شوكولاته
ضرفين كابتشينو
بعدين لفيها وقطعيها
سوي نفس الشي بالنص الثاني
وخليك كريمه بالخلطه كل ماكثرتي كل ماصار اطعم لها
خليها ترتاح شوي بعدين دخليها الفرن 8 دقاايق بسس وطلعيها صفيها في طبق التقديم
بعدين ابدي حطي الصوص اول شي الابيض وخلك كريمه فيه بعدين الشوكولاته اقل بعدين التوفي اقل
وبالعافيه
