طريقة عمل ريد فيلفت كيك بالصور خطوة خطوة
بواسطة: الشيف مونى
تاريخ الوصفة: 09/07/2015
المكونات:
2 ونصف كوب دقيق
2 ملعقة صغيرة بيكنج بودر
كوب زبدة طرية
كوب ونصف سكر
2 بيضة كبيرة
فانيليا
كوب وربع حليب
ملعقة ونصف صغيرة لون طعام احمر بودرة(متوفر فى محلات خامات الحلويات)
ملعقة صغيرة كاكاو خام
وللتزيين:
2 كوب كريم شانتى مخفوق
لولى الوان
(او حسب الرغبة)
الطريقة عمل الريد فيلفت كيك :
فى اناء هنحط البيض والفانيليا والزبدة والسكر
ونضربهم بمضرب البيض
فى اناء مختلف هنخلط اللون الاحمر البودرة مع الكاكاو الخام وشوية ميه وبنضيف للون كاكاو خام عشان يبقى احمر غامق مش فاتح
ونضيفهم لخليط البيض والزبدة والسكر
ونضربهم بالمضرب ونضيفلهم الحليب والدقيق والبيكنج بودر
ونضربهم لغاية ماتمتزج المكونات
ونحط الخليط فى صينية مدهونة مقاس 24
ودخلتها فرن حرارته هادية لغاية ماستوت وطبعا كل واحد فرنه غير التانى
حطتها تبرد فى التلاجة ساعتين وبعد كده زينتها بالكريم شانتى
وده شكلها النهائى
وبالهنا والشفا
