الزقني الحبشي بالصور

بواسطة: hend

تاريخ الوصفة: 12/06/2015

http://www.encyclopediacooking.com/upload_recipes_online/uploads/images_easy-cooking-dishes-arabic-food-recipes-in-arabic-%D8%B5%D9%88%D8%B1%D8%A9-%D8%B9%D9%85%D9%84-%D8%A7%D9%83%D9%84%D9%87-%D8%A7%D9%84%D8%B2%D9%82%D9%86%D9%8A-%D8%A7%D9%84%D8%AD%D8%A8%D8%B4%D9%8A.jpg

الزقني او الزغني اكله من الأكلات الحبشيه الحاره أنا احبها
وهذي الطريقه

اولا عمل خبز اللحوح :

كأس ماء وممكن اكثر..ربع كأس لبن الزبادي
ملعقتين حليب بودر..ملح
ملعقه صغيره سكر
كأس ونص دقيق ابيض
نص كأس دقيق اسمر
ملعقه صغيره خميره فوريه
نخلطهم بالخلاط ونخلي العجين مثل خليط الكيك او اخف شوي ونصبه في وعاء نغطيه ونتركه يخمر لما يطلع فيه فقاعات

نسخن التاوه وناخذ من الخليط مقدار ملعقه غرف المرق الكبيره ونصبه ونمسه بباطن الملعقه بشكل دائري عشان تصير خفيفه ولما تستوي وتحمر من اسفل نطلعها
ونكرر باقي الخليط بنفس الطريقه

طريقة عمل الصالونه او الإيدام الأحمر :

نفرم بصلتين كبار بالفرامه ونحمسها بزيت وسمن
ونضيف اثنين فص ثوم مهروس لما يشقرو
نحط قطع دجاج وملعقه وسط كل من..كمون مطحون..كزبره ناشقه..نص ملعقه صغيره قرفه
نص مكعب ماجي وملح
نقلبهم لما يتغير لون الدجاج نحط ثلاث ملاعق كبيره معجون فلفل حبشي اذا ماتوفر استبدليه بملعقه كبيره شطه بودره او على حسب الرغبه
وملعقتين كبيره معجون طماطم ونقلبهم ونضيف ثلاث حبات طماطم معصوره وكأس ماء ساخن نغطي القدر لما يستوي الدجاج ويبدأ يكثف الصوص

نوزع شوي من الايدام بين طبقات اللحوح
ونصب الباقي فوق اخر حبه مع قطع الدجاج ونرش كزبره
ويقدم مع السلطه

يكفي لشخصين الى ثلاثه