كب كيك القرع
بواسطة: عبير العميرة
تاريخ الوصفة: 12/06/2015
كب كيك القرع شي لذيذ يجننن يا بنات
طرآوه وطعم لذيذ ماراح تصدقون إنه قرع وأنصحكم ماتحكمون إلا بعد التجربه
- المقادير :
مجموعة ( ١)
كوبين طحين .
نص م ص قرفه .
نص م ص زنجبيل.
م ص بيكربونات الصوديوم .
م ص بيكنج بودر .
ربع م ص ملح .
كوب ونص سكر .
.
مجموعة (٢) :
٣ بيضات بدرجة حرارة الغرفه .
م ص فانيلا .
ثلث كوب زيت .
كوب وربع مهروس اليقطين .
- الطريقه :
١/ ننخل الطحين ونخلط المواد الجافه مع بعض ونخليهم على جنب .
٢/ بعدين نخلط البيض مع الفانيلا والزيت ومهروس القرع وتقدرون تصلحونه بالبيت :( تسلقون القرع العسلي اللي لونه أورنج بعدين تهرسونه وتستخدمونه ) .
- بعدين إذا خلطنا المقادير السايله مضبوط نبدى نضيف المواد الجافه بالتدريج ونخلط لين يتمازج ،
وبعدين نحضر الأوراق بصينية الكب كيك واستخدمت مغرفة الآيسكريم عشان تصير بمستوى واحد .
- وبعدين ندخلها فرن مسبق التسخين على درجة ١٧٠ تاخذ من ٢٥-٣٠ دقيقه .
والحين نجي نحضر الصوص :
كوب سكر بودرة ( منخول ) أو استخدمو الجاهز + ربع كوب حليب سايل + نص م ص فانيلا + كوب جوز مكسر لكسر صغيره .
نخلطهم مع بعض لين يتمازجون ونحطه فوق الكب كيك .
وجعله هني وعافيه على قلوبكم
