سلطة الشاورما

سلطة الشاورما


سلطة الشآورمآ لذيذه نفس فكرة ( الشاورما بخبز القرصان ) بس ماحشيتها خليتها طبقات عشان تكون سلطه

-الطريقه

١- صدور دجاج نقطعها شرائح و ننقعها من الليل أفضل بالتتبيله :( ملح ، عصير ليمون ، شوي خل أبيض ، بهارات الشاورما تلقونها هنا ( بهارات الشاورما ) ، شوي من دبس الرمّان ، زيت زيتون او نباتي مقدار فنجان قهوه.

- بعدين نجيب تاوه ونرفع النار على أعلى شي ونحط الصدور ماتاخذ وقت على كل وجه تقريباً ٣ دقائق.

- وبعدين نشيل الصدور ونحطها على جنب في صحن وبنفس التاوه بدون ماتغسلونها نقطع بصل شرائح رفيعه ونشوحها لين تذبل نضيف شوي زيت عليها وبعدين فلفل رومي مقطع شرائح رفيعه نضيفه بعد مايذوب البصل ونقلبه معه شوي مانبيه يذبل ونرجع الدجاج ونطفي النار ونغطيه ونخليه على جنب بنفس التاوه .

- ملاحظه :
لو تحطون فلفل رومي ملون أجمل في الشكل


٢- نجهز صوص الرانش اللذيذ :

في الخلاط :
علبة زبادي + ٤/٣ كوب بقدونس + ٤/١ كوب كزبره + ملح + فلفل أسود مطحون + فص ثوم + م ك خل أبيض + م ك زيت زيتون + م ك عصير ليمون .

٣- عند التقديم :
نقطع خبز رغيف أو تورتيلا إلى مثلثات بعدين نخلط الدجاج مع الصوص ونضيفه فوق الخبز ونحط فوق بطاطس أعواد مع رشة سماق

وعسآه مطرح مايسري يمري