كريب بالبيض
بواسطة: عبير العميرة
تاريخ الوصفة: 12/06/2015
كريب بالبيض حبيب القلب
عليكم بالبيض اللذيذ سهل جداً وتقدرون تبدّعون فيه
- الطريقه :
١- أول شي نحضّر تاوه وسيعه ، ونخفق بيضتين في صحن مع ملح وفلفل اسود وفلفل احمر مجروش وبقدونس مجفف وريحان مجفف وبهارات ايطاليه .
٢- نصب البيض بالتاوه بشكل سريع ونحاول نشكّله دائري على نفس التاوه .
٣- لمن يستوي وراح يستوي بسرعه لان الطبقه رفيعه ندهن البيض بالجبن السايل او على حسي الرغبه بالحشوه .
٤- نثني البيض للنصف ثم للربع بحيث يصير شكله مثل الكريب .
٥- الخلطه اللي ع الوجه :
نقطّع بقدونس مفروم + كزبره مفرومه + طماطم مقطع صغير جداً + شوي طحينه سايله مخففه بشوي لبن + شوي كمون وفلفل اسود .. ونحطه فوق الكريب .
( هذي الخلطه اختياريه بس حبيت طعمها )
٦- أنا أحب الشطّه مع البيض واضفته عند التقديم .
وبس مافيه أسهل منه وعليكم بألف عافيه
وصبآحكم سعاده وجمال يارب
