صينية دجاج بالفرن مع البطاطس الودجز
بواسطة: عبير العميرة
تاريخ الوصفة: 12/06/2015
صينية دجاج بالفرن مع البطاطس الودجز
صينية الدجاج مع الودجز هالصينيه سهله مره مره واثقه بتعجبكم
وبرمضان ع السحور تنفع بقوه ماتاخذ وقت
طريقة عمل صينية الدجاج :
أول شي نجيب صحن كبير عميق او زبديه ونحط فيها :
بصلتين وسط شرائح رفيعه
+
٣-٤ فصوص ثوم مقطع شرائح
+
طماطتين وسط شرائح رفيعه
+
فلفل اخضر أو ملون شرائح رفيعه ( ماكان عندي عشان كذا ماتشوفونه بالصوره مو شرط بس يعطي طعم وشكل )
+
فلفل أخضر حار بدون تقطيع
+
دجاجه كامله مقطّعه لثمان قطع او اربع على حسب الرغبه
+
٣-٤ حبات بطاطس حجم وسط نقطعه على شكل شرائح كأننا بنصلح ودجز بالقشر حقها لاتشيلونه اطعم وألذ
نخلط كل هالمكونات مع بعض مع بهارات ايطاليه + فلفل اسود مطحون + بهارات تندوري + بابريكا + ٣ ملاعق كبيره زيت زيتون + رشة بقدونس مجفف + ملح .
نلبس القفارات البلاستيك ونفرك الدجاج وباقي المكونات مع البهارات عشان نتبلها مضبوط اللي يبي يحطها بالفرن على طول او تقدرون تخلونها بالثلاجه يوم كامل .. عقب نحطها بالصينيه ونرش ع الوجه ريحان مجفف ونغطي الصينيه بالقصدير مضبوط ونخليها بالفرن على حراره وسط لمدة ساعه كامله بعدين نحمّرها من فوق :.
.
.
ونقدّمها مع الرز الأبيض أو الخبز
و بألف ألف ألف عآفيه على قلوبكم
.
.
فيه سؤال كثير سألوني ..
مانحط مويه ؟
لا مايحتاج ولانقطة
