بسبوسة التمر الخرافيه basbousa with dates

بسبوسة التمر الخرافيه basbousa with dates


بسبوسة التمر لذيذه بشكل بشكل ماتصورته حبيتها مره مره
شكراً للي أرسلت لي الطريقه :.

- الطريقه / بالأكواب المعياريه

١- أول شي نجيب كوب تمر منزوع النوى افضل شي ( خلاص ) ونضيف عليه ثلاث ارباع كوب ماء حار . ونخليهم على جنب عشان يصير التمر طري .
٢ - بالخلاط :
بيضه
+
نص كوب سكر
+
نص كوب زيت
+
قشطه
+
٣ م ك حليب بودره
+
( نضيف التمر مع مويته اللي خليناه على جنب )

٣- بعدين نصب اللي بالخلاط على :
كوب سميد + م ص بيكنج بودر + م ص قرفه + رشة هيل .

ونخلطهم يدوي وبعدين نصب الخليط بقوالب او صينيه مدهونه بالطحينه السايله .. وندخلها الفرن بالرف الوسط على درجة ٣٥٠ من تحت تاخذ تقريباً نصف ساعه . وبعدين نحمّرها خفيف من فوق .. ( طلعت معي ٦ قوالب نفس اللي بالصوره )

وأول ماتطلع من الفرن نسقيها :

بالحليب المكثّف المحلّى مخفف بشوي ماء + شوي قرفه مطحونه

وراح تستمتعون فيها لذاذه طعم خرافي
جازت لي مرره أعطيها ١٠/١٠
وجعلها هني وعافيه على قلوبكم يارب

- القوالب اللي حطيت فيها البسبوسه : تلقونها بملتقى الخبازين وهزاز ومحلات المواعين اغلبها متوفّر فيها
واللي يشترون من سعد الدين يغسلونها ويجمعونها