عمل بسبوسة بالقشطة
بواسطة: عبير العميرة
تاريخ الوصفة: 11/06/2015
طريقة عمل بسبوسة بالقشطة بالصور
هذي البسبوسه أحب أقولكم إنها تدوخ وسلآمتكم
- الطريقه :
في زبديه :
كوب سميد خشن
+
كوب سكر
+
كوب جوز هند ناعم
+
نصف كوب زبده ذآيبه
+
٤/٣ كوب زبادي
+
حبة بيض
+
م ك بيكنج بودر
+
م ك فانيليا سآئله
ونخلطهم كلهم بملعقة خشبية لين تختلط المكونات مع بعض زين ويصير الخليط ناعم ونتركه على جنب .
نجي للحشوه :
كوب وربع حليب سايل
+
٣ م ك نشاء
+
كوب قيمر
+
نص م ص فانيليا سائله
:. في قدر نحط الحليب والنشاء ونقلبهم لين يثقل الخليط شوي وبعدين نطفي النار ونحط القيمر والفانيليا ونقلبهم لين يختلط القيمر مع الحليب ونخليهم شوي لين تبرد الحشوه .
نجيب الحين قوالب أو صينيه وندهنهم بشوي زبده ونحط نص كمية خليط البسبوسه ونواسيه لين يتغطى قاع القالب زين وبعدين نحط الحشوه فوق البسبوسه نوزعها بخفّه ونترك حوالي ٢سم ع الحواف بدون حشوه وبعدين نكمل باقي البسبوسه فوق الحشوه بحيث نغطّي الحشوه تماماً .
وبعدين ندخله للفرن ع الرف الوسط تقريباً ياخذ من ٢٠-٢٥ دقيقه لين تصير الحواف ذهبيه اللون نحمرها من فوق خفيف وأول ماتطلع من الفرن نصب الشيره على كل أجزاء القالب ونرش فستق أو نجمّلها على حسب الرغبه .
التقديم :
تنفع وهي دآفيه بس وهي بآرده ألذ
لا تفوتكم خيال الطعم
وعساها عآفيه على قلوبكم
