تشيز كيك الطبقات بنكهة البلوبيري
بواسطة: عبير العميرة
تاريخ الوصفة: 11/06/2015
تشيز كيك الطبقآت بنكهة البلوبيري السهل واللذيذ لذآذه ماحصلتشي
الطريقه بشرحها لكم بالتفصيل :
أول شي الطبقه الأولى
بالخلاط اللي يفرم الخبز نحط :
بسكوت داجستيف ٢٥٠جرام
+
نص كوب عين الجمل (جوز البيكان)
+
م ص قرفه مطحونه
+
ملعقتين كبيره سكر بني
+
اصبع زبده ١٠٠ جرام
( لا تتقيّدون فيها اهم شي البسكوت والزبده ) بس هذا الكرست اعتمدته يجنن
نجيب صينية التشيز كيك الحجم الكبير :
ونحط ع القاعده والحواف ورق زبده او بدون لأن الطبقات متماسكه مايحتاج ورق زبده .
نواسي الطبقه الأولى زين وندخلها للفرن ١٠ دقايق تقريباً وبعدين نطلعه ونخليه بالثلاجه
ونجهّز خليط التشيز كيك :
١- الطبقة البيضاء :
نذوب ملعقه ونص كبيره جيلاتين بربع كوب ماء حار ونخليه على جمب وبعدين نجيب الخلاط و نخفق كوب كريمة خفق بارد جداً مع كوب سكر لين تنتفش الخلطه ثمن نضيف علبة جبن فلاديفيا ٣٠٠ جرام + م ص عصير ليمون + الجيلاتين ولازم يكون بارد بحرارة الغرفه مو تصبونه وهو حار ولاتوقفون الخلاط تصبونه والخلاط يشتغل عشان مايتكتّل معكم .
٢- الطبقة الموف :
نفس الطبقه البيضاء نعيدها :
نذوب ملعقه ونص كبيره جيلاتين بربع كوب ماء حار ونخليه على جمب وبعدين نجيب الخلاط و نخفق كوب كريمة خفق بارد جداً مع كوب سكر لين تنتفش الخلطه ثمن نضيف علبة جبن فلاديفيا ٣٠٠ جرام + م ص عصير ليمون + الجيلاتين ولازم يكون بارد بحرارة الغرفه مو تصبونه وهو حار ولاتوقفون الخلاط تصبونه والخلاط يشتغل عشان مايتكتّل معكم + نصف علبة بلوبيري عشان تصير موف فاتح
٣- الطبقه الموف الغآمق :
نفس الطبقه البيضاء نعيدها :
نذوب ملعقه ونص كبيره جيلاتين بربع كوب ماء حار ونخليه على جمب وبعدين نجيب الخلاط و نخفق كوب كريمة خفق بارد جداً مع كوب سكر لين تنتفش الخلطه ثمن نضيف علبة جبن فلاديفيا ٣٠٠ جرام + م ص عصير ليمون + الجيلاتين ولازم يكون بارد بحرارة الغرفه مو تصبونه وهو حار ولاتوقفون الخلاط تصبونه والخلاط يشتغل عشان مايتكتّل معكم + علبة ونص بلوبيري عشان تكون أغمق من الطبقه اللي قبلها .
وندخلها للثلاجه احسن شي يوم كامل عشان تتماسك مضبوط وبس
والزينه ع الوجه على حسب الرغبه
وجعله هني وعآفيه على قلوبكم
ملاحظه :
بين كل طبقه وطبقه ندخل التشيز للفريزر عشان ماتحتاس معكم الطبقات
هنا شكل الطبقات متماسك وطعم يجنن
